दार्जिलिङ: दार्जीलिङ पुलिसले हालै जोरेबुङ्लो पुलिस चौकीमा दर्ता भएको एनडीपीएस (लागुऔषध तथा मनोदैहिक पदार्थ) मुद्दामा फरार रहेका सिन्चेल रोड, जोरेबुङ्लोका बासिन्दा र आईजीजेएफ पार्टीसँग आबद्ध दिपु थापालाई सफलतापूर्वक पक्राउ गरेको छ।
एक विश्वसनीय सूचनाको आधारमा, पुलिसले मे ५, २०२५ को बिहान सबेरै सेवक रोडस्थित होटल न्यू सिक्किमबाट अभियुक्तलाई पक्राउ गरेको हो।
अभियुक्तको गाडी, डब्ल्यूबी ७७ए-८८१९, यसअघि अप्रिल २९, २०२५ मा सह-अभियुक्त पेमा छिरिङ लेप्चा @ मनिष लेप्चाद्वारा एनडीपीएस सामग्रीको अवैध ढुवानीमा प्रयोग गरिएको थियो। अभियुक्त पक्राउ परेपछि दार्जिलिङ पुलिसले
दार्जीलिङ पुलिस लागुऔषध विरुद्धको युद्ध र हाम्रो समुदायको सुरक्षा र कल्याण सुनिश्चित गर्न आफ्नो प्रतिबद्धतामा दृढ छ। हामी जनताको निरन्तर सहयोगको कदर गर्दछौं र सबैलाई सतर्क रहन र कुनै पनि संदिग्ध गतिविधि रिपोर्ट गर्न आग्रह गर्दछौं भनी भनेकाे छ।