काेलकत्ता: काेलकत्ता नाइट राइडर्स (केकेआर)-का अलराउण्डर आन्द्रे रसेलले आइतवार राजस्थान रोयल्सविरुद्ध म्याचमा १ रनले जीतको अवधि काेलकत्ताको ईडन गार्डन्समा १००० आईपीएल रन पूरा गरे। क्यारेबियन अलराउण्डर रसेलले यस सीजनको आफ्नो पहिलो अर्द्धशतक बनाए। उनले २५ बल खेलेर अविजित ५७ ररन बनाए, जसमा ४ वटा चौका र ६ वटा छक्का सामेल छ। यसरी उनी केकेआर-का पूर्व कप्तान गौतम गम्भीर र रबिन उथप्पापछि ईडन गार्डन्समा १००० आईपीएल रन पूरा गर्ने टीमका तेस्रो क्रिकेटर बने। रसेलले ४१ वटा ईनिंग्समा यस उपलब्धिलाई हासिल गरे। ईडन गार्डन्समा केकेआरको निम्ति सर्वाधिक १४०७ रन गम्भीरले बनाएका छन्। यसरी उथप्पाको नाममा ११५९ रन रहेको छ। साल २०१२-मा आईपीएल पदार्पण गरेपछि रसेल केकेआर टीमको हिस्सा रहेका छन्। उनले यस फ्रेञ्चाइजीबाट १३८ वटा म्याचमा १७४-को स्ट्राईक रेटले २६१३ रन बनाएका छन्। यसमा १२ वटा अर्द्धशतक सामेल छ। यसको साथमा उनले १२३ विकेट पनि लिएका छन्। अर्द्धशतक बनाएपछि ३७ वर्षीय रसेलले भने, मेरो निम्ति उमेर केवल एउटा संख्या हो अनि म अहिले पनि २७ वर्षको जस्तो अनुभव गरिरहेको छु। म आज रातिको प्रदर्शनसँग खुशी छु। उल्लेखनीय छ, म्याचमा रसेलको विध्वंशी अर्द्धशतकको सहायताले केकेआर-ले राजस्थान रोयल्सलाई २०७ रनको लक्ष्य दियो।