१३ सेप्टेम्बरः हिमगिरी युथ क्लब, मंगपूको तत्त्वावधानमा सलोनी राई स्मृति नक्आउट फूटबल टुर्नामेण्ट आउँदो १८ सेप्टेम्बरदेखि शुरु गरिनेछ। शारदा हाई स्कूल नजिक मंगपू डीविजनल ग्राउण्डमा हुने यस नाइन ए साइड फूटबल टुर्नामेण्टमा जम्मा २८ वटा टीमले हिस्सा लिनेछ। उद्घाटन म्याचमा शक्ति संघ कालीझोड़ा र सिम्ले युनाइटेडबीच भिड़न्त हुनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ५० हजार रुपियाँको नगद पुरस्कार प्रदान गरिने आयोजक हिमगिरी युथ क्लबका कार्यकारी सदस्य रोमन आलेले बताएका छन्।