लण्डन: ईंग्लिश प्रीमियर लीग फूटबल प्रतियोगितामा असल फर्ममा रहने आर्सनल र नटिंघम फरेष्टले रोमाञ्चक जीत हासिल गऱ्यो। मंगलवार राति खेलिएको म्याचमा आर्सनलले फूलह्यामविरुद्ध २-१-ले जीत हासिल गऱ्यो। आफ्नो होम ग्राउण्ड एमिरेट्स स्टेडियममा ५१ प्रतिशत पोजेशनको साथ खेल्ने आर्सनलबाट मिकेल मेरिनोले ३७औं मिनटमा गोल गरे। त्यसपछि बुकायो साकाले ७३औं मिनटमा टीमलाई २-०-को स्कोरमा पुऱ्याए। पूरा म्याचमा आर्सनललाई कड़ा चुनौती दिने फूलह्यामबाट रोड्रिगो मुनिजले अन्तिम क्षण (इञ्ज्युरी टाइमको चौथो मिनट)-मा गोल गरे। यस जीतपछि आर्सनल ३० वटा म्याचमा ६१ पोइण्ट्सको साथ प्रीमियर लीग पोइण्ट्स टेबलको दोस्रो स्थानमा रहेको छ। यसरी फूलह्याम ४५ पोइण्ट्सको साथ आठौं स्थानमा रहेको छ।
म्यानचेष्टर युनाइटेडले चाहिँ नटिंघम फरेष्टविरुद्ध ०-१-ले हारको सामना गर्नु पऱ्यो। यस अवे म्याचमा ६९ प्रतिशत पोजेशनको साथ खेल्दै म्यानचेष्टर युनाइटेडले लगातार आक्रमण गरे पनि गोल हासिल गर्न सकेन। यसको विपरीत एन्थोनी एलांगाले पाँचौं मिनटमा दिलाएको गोलले नटिंघम फरेष्टलाई विजयी बनायो। यस जीतपछि नटिंघम फरेष्ट ५७ पोइण्ट्सको साथ तेस्रो स्थानमा कायम रह्यो। यसरी म्यानचेष्टर युनाइटेड चाहिँ ३७ पोइण्ट्सको साथ १३औं स्थानमा रहेको छ। अन्य एउटा म्याचमा वूल्भ्सले वेष्ट ह्यामलाई १-०-ले पराजित गऱ्यो।