गान्तोक: राष्ट्रिय गतिमान दिव्याङ्गजन संस्थान (एनआईएलडी), कोलकाता, दिव्याङ्गजन सशक्तिकरण विभाग (डीईपीडब्ल्यूडी), सामाजिक न्याय तथा अधिकारिता मन्त्रालय (एमएसजेई), भारत सरकारको प्रशासनिक नियन्त्रण अन्तर्गत कार्यरत कौशल विकास, पुनर्वास तथा अधिकारिता सिक्किमको लागि समग्र क्षेत्रीय केन्द्र, पाकिम जिल्ला प्रशासनको सहयोगमा १९ मार्च, २०२५ मा सामुदायिक केन्द्र, पाकिममा सिक्किममा पर्पल फेयर – २०२५ को आयोजनको तयारी भएको छ।
यस वर्षको मेलाको विषय ‘विकसित भारत २०४७ र पुष्पित सिक्किम ५० मा दिव्याङ्गजनलाई सामेल गर्नु, एक विकसित तथा समावेशी भारतको राष्ट्रिय दृष्टिकोण अनुरूप रहेको छ। यस कार्यक्रमको उद्देश्य विकलाङ्ग व्यक्ति (दिव्यांगजन) लाई आफ्नो प्रतिभा प्रदर्शन गर्न, कौशल विकासका अवसरहरूसम्म सुविधा पुऱ्याउन र सशक्तिकरण तथा सामाजिक समावेशीकरणका लागि विभिन्न हितधारकहरूसँग जोड्नका लागि एक मञ्च प्रदान गर्नु हो। मेलाका मुख्य आकर्षण प्रधानमन्त्री दिव्यसा केन्द्रको माध्यमद्वारा ज्येष्ठ नागरिकहरूलाई सहायक उपकरणहरूको वितरण हुनेछ; सामाजिक लेखा परीक्षणलाई बढावा दिने र अवरोधमुक्त वातावरणलाई सहज बनाउनका लागि ‘यस टु एक्सेस ऐप’ डाउनलोड गरेर एक महिनासम्म चल्ने सुगम्य यात्रा अभियानलाई जारी राख्नु रहेको छ। यो मेलामा दि व्याङ्ग व्यक्ति, हेरचाहकर्ता, गैरसरकारी सङ्गठन, शैक्षिक संस्थान र आम जनताको सक्रिय सहभागिता देखिने अपेक्षा गरिएको छ, जसले सशक्तिकरण र सुगमताप्रति सहयोगी दृष्टिकोणलाई बढावा दिनेछ।