शिलाङ(मेघालय): पश्चिम बङ्गालको उत्तर दिनाजपुर जिल्लाका युवा मेराज डेले गत हप्ता देशलाई हरियाली बनाउने उद्देश्यले नयाँ दिल्लीदेखि मेघालयसम्म २,००० किलोमिटर साइकल यात्रा पूरा गरे।
उनले जनवरी २६ मा नयाँ दिल्लीबाट यो यात्रा सुरु गरेका थिए र मार्च १२ मा शिलङ पुगेका थिए।
पत्रकारहरूको एक समूहसँगको अन्तर्क्रियामा उनले नयाँ दिल्लीबाट सुरु गर्नुको कारण यो राज्य प्रदूषणको हिसाबले रेड जोनमा रहेको र प्रदुषणमुक्त राज्य भएकाले मेघालयमा समापन भएको बताए।
“त्यसैले म रातो क्षेत्रबाट हरियो जोन क्षेत्रमा आएको हुँ मानिसहरूलाई देखाउनको लागि कि मेघालय देशको अन्य राज्यहरूको तुलनामा कस्तो छ र कुनै न कुनै रूपमा हामीले यहाँ के गरिरहेको छ जस्तो रूख रोप्न सिक्नुपर्छ,” डेले भने।
दैनिक जीवनमा साइकलको प्रयोगको वकालत गर्दै उनले मेघालयमा हरियाली धेरै रहेको र देशका अन्य ठाउँमा पनि यस्तै भए प्रदुषण कम हुने बताए।
 “साइकल चलाउँदा मानिस स्वस्थ रहन्छ र यसले प्रदूषण कम गर्न पनि मद्दत गर्छ,” डेले थपे।
प्रदुषणका दृष्टिले उद्योग स्थापना गरेर बेरोजगारीको समस्या कसरी सम्बोधन गर्ने भन्ने प्रश्नमा डेले प्रदेशमा उद्योग नहुँदा पनि जनजीवन चलिरहेको र कोही भोकै सुत्ने अवस्था नरहेको बताए।
उद्योग स्थापना भए पनि फाइदा हुने र नभए पनि आफैँ केही गर्न सकिने उनको भनाइ छ।
“तर उद्योगहरू हुनु पनि हानिकारक छ,” डेले थपे।
उनले मेघालय सरकारलाई सन्देश पनि दिएका थिए, ‘मेघालय सुन्दर छ र हामी यस्तै रहिरहोस् भन्ने चाहन्छौं र उद्योगहरू आए भने प्रदूषण हुनेछ र हावा खराब हुनेछ।