खरसाङ: खरसाङ महाविद्यालयमा उपभोक्ता सचेतना कार्यक्रम सम्पन्न भयो। यो कार्यक्रम खरसाङ महाविद्यालयको आन्तरिक गुणस्तर सुनिश्चितता कोष र उपभोक्ता मामिला तथा निष्पक्ष व्यापार अभ्यासविभाग, दार्जिलिङ, पश्चिम बङ्गाल सरकारद्वारा संयुक्त रूपमा आयोजना गरिएको थियो। यस कार्यक्रमको उद्देश्य विद्यार्थी र शिक्षकहरूलाई उनीहरूको उपभोक्ता अधिकार एवम् जिम्मेवारीहरूबारे जानकारी गराउनु रहेको थियो। यस सत्रमा कलेज पक्षको सक्रिय सहभागिता देखियो जसले उपभोक्ता संरक्षण कानून र अभ्यासहरूको गहिरो समझलाई महत्त्व दियो। डा. ताहिरा बट्टले कार्यक्रमलाई सञ्चालन गर्दै जानकारीमूलक सत्रमा दर्शकहरूलाई मार्गदर्शन गरिन्। कार्यक्रममा डा दावा शेर्पाले स्वागत सम्वोधन राखेका थिए। कार्यक्रमका स्रोत व्यक्तिहरूलाई कार्यक्रम समन्वय डा योगेश खातीले खदार्पण गरेपछि कार्यक्रमको मुख्य भाग शुरू भएको थियो। कलेजका प्राध्यापक एवम् विद्यार्थीहरूको व्यापक उपस्थिति रहेको उक्त कार्यक्रमको अन्त्यमा प्रा शितल ठटालले धन्यवाद ज्ञापन गर्दै, कार्यक्रमको सफलताको लागि आयोजक र सहभागीहरूलाई कृतज्ञता व्यक्त गरिन्। यस कार्यक्रमले आजको बजारमा उपभोक्ता सचेतनाको महत्त्वलाई प्रकाश पारेको छ।