विकासका काममा अवरोधहरूक़ो सामना गर्ने उनले भने

सिलगढी: सिलगढी सहरको वार्ड नम्बर २४ को भरत नगरमा रहेको तरुण तीर्थ मैदानमा फेंसिङ निर्माण गरिएको छ। यसको उद्घाटन आज सिलगढी विधायक शंकर घोषले गरेका थिए। सो अवसरमा क्लबका पदाधिकारी लगायतको उपस्थिति रहेको थियो।
यस अवसरमा विधायक शंकर घोषले आफू यस वार्डको बासिन्दा भएको र यस वार्डका बासिन्दाले सधैं साथ दिएको बताए। १० लाखको लागतमा तरुण तीर्थ क्लब मैदानमा घेराबारा निर्माण गरिएको उनले बताए। उनले आफ्नो विधायक कोषबाट एसजेडीएलाई घेराबारा निर्माणका लागि पैसा दिएका थिए र एसजेडीएले काम गरेको छ। क्लब र यस वडाका बासिन्दाले मलाई काम गर्ने अवसर दिएकोमा म खुसी छु, यसका लागि म उनिहरूलाई धन्यवाद दिन चाहन्छु।
सिलगढीको विकासका लागि म सदैव प्रतिबद्ध छु तर विकासका काममा सरकारी अवरोधको सामना गर्नुपर्ने उनले बताए। यस विषयमा मैले पटकपटक संसदमा आवाज उठाएको छु र बजेट अधिवेशनमा पनि उठाउनेछु। उनले २०२१ सालदेखि जनताले निर्वाचित गरेको र त्यसयता जनताका लागि काम गर्दै आएको र अवरोधका बाबजुद पनि काम गरिरहने बताए।