सिलगढी: सिलगढी पुलिसले फुलबारी चोरीको घटनामा तीन जनालाई पक्राउ गरेको छ। घटना भएको ७२ घण्टा नबित्दै पुलिस चौकीले घटनामा संलग्न तीनजनालाई पक्राउ गरेको छ।
गत शनिबार फुलबारीको अमाई–दिघी क्षेत्रमा रहेको तारिकुल इस्लाम उर्फ ​​(मिन्टु)को घरमा लुटेराहरुले सिसिटिभी क्यामेरा कपडाले बेरेर मादक पदार्थ छर्केर चोरी गरेका थिए। लुटेराहरूको समूहले लकर तोडेर करिब चार लाख रुपैयाँ नगद, लाखौं रुपैयाँका सुनका गरगहना, मोबाइल फोन र सीसीटीभी क्यामेराका उपकरणहरू लुटेर फरार भएका छन्।
यसपछि सिलगढी महानगरीय पुलिसको न्यू जलपाईगुडी थानालाई जानकारी दिइएको थियो। पुलिसले गएर सबै पक्षको अनुसन्धान गरी चोरहरुलाई पक्राउ गर्न सुरु गरेको छ। घटनाको अनुसन्धान गर्दै पुलिसले शीतलापाडा निवासी भरत बर्मन, चोपडा निवासी पाई मुद्दिन र रहमद अलीलाई पक्राउ गरेको छ। उनलाई पुलिसले मंगलबार पूर्वी आमदेघीबाट पक्राउ गरेको हो। तर, पुलिसले चोरीको सामान बरामद गर्न सकेन, त्यसैले एनजीपी पुलिसले बुधवार जलपाईगुडी अदालतमा पेश गरी पाँच दिनको रिमान्ड मागेको थियो।