हल्दीबारी:  पुस्तक मेला २०२५ कुचबिहार जिल्लाको हल्दीबारी स्थित बनचन्द स्कूल परिसरमा सुरु भएको छ। मंगलबारबाट सुरु भएको पुस्तक मेला शुक्रबार फरबरी २८ सम्म चल्नेछ। पुस्तक मेलाको मंगलबार विधायक परेशचन्द्र अधिकारीले उद्घाटन गरेका थिए, जसमा मेखलीगञ्जका एसडीओ अतनु मण्डल, पूर्वशिक्षिका मृणाल कान्ति सरकारलगायत विशिष्ट व्यक्तिहरुको उपस्थिति रहेका थिए।
कुनै पनि सहरको सम्पदा त्यहाँको संस्कृति र परम्परासँग जोडिएको हुन्छ। हल्दिबारीजस्तो सानो दुर्गम सहरमा पुस्तक मेला आयोजना गर्नु स्थानीय संस्कृतिको वाहक हो भन्ने कुरामा दुईमत छैन। पुस्तक मेलामा दैनिक सांस्कृतिक कार्यक्रमका अलावा प्रतियोगितात्मक कार्यक्रम, साहित्यिक तथा कविता वाचन कार्यक्रम र छिमेकमा आधारित सांस्कृतिक कार्यक्रम पनि हुने गरेको छ। कार्यक्रमको पहिलो दिन रवीन्द्र भवन परिसरबाट पुस्तक पदयात्राबाट सुरु भएको थियो।
चार दिने पुस्तक मेलामा युवादेखि वृद्धसम्म सबैलाई रमाइलो गर्न आयोजकले निम्तो दिएको छ।