इम्फाल: १९ र २० फेब्रुअरीको बीच मणिपुरका धेरै जिल्लाहरूमा संयुक्त खुफिया-आधारित अभियानहरू अन्तर्गत, असम राइफल्स र स्पियर कोर भारतीय सेनाको गठनले राज्यको पहाडी र उपत्यका क्षेत्रमा १६ आतंकवादी कार्यकर्ताहरूलाई गिरफ्तार गर्‍यो र २३ वटा हतियार बरामद गर्‍यो।
इम्फाल पश्चिम जिल्लाको फेडिङ्गा र थौबलकाे भूम्पा खुलनमा कार्यकर्ताको उपस्थितिको सूचना पाएपछि भारतीय सेना र मणिपुर पुलिसले १९ फरवरी यहाँ छापा मारेर
तीन जनालाई पक्राउ गरिएको छ, जसले प्रारम्भिक सोधपुछमा केसीपी (पीडब्लुजी) का कार्यकर्ता भएको पुष्टि गरेको छ।
भारतीय सेना र मणिपुर पुलिसले यी कैडरहरुकाे उपस्थिति भएको सूचना पाएपछि विष्णुपुर जिल्लाको मोइरांग क्षेत्रमा फेब्रुअरी २० मा घेराबन्दी गरेर खोजी अभियान चलाए र १३ जना कार्यकर्तालाई गोला र बारूदकाे भण्डारसहित पक्राउ गरे।
सोधपुछ गर्दा, कार्यकर्ताहरूले कांगलेई यावोल कन्ना लुप (केवाईकेएल) प्रति आफ्नो निष्ठा व्यक्त गरे। विज्ञप्तिमाअनुसार, मणिपुरको इम्फाल पश्चिम जिल्लाको सांगाइसाबीमा हतियार र गोलाबारुदको उपस्थितिको बारेमा विशेष गुप्तचरको आधारमा कारबाही गर्दै, असम राइफल्स र मणिपुर पुलिसले फेब्रुअरी २० मा खोजी अभियान चलाए र एक राइफल, एक स्नाइपर राइफल, दुईवटा ९ मिमी पिस्तौल, एउटा सिंगल-बोर बैरल गन (एसबीबीएल), ग्रेनेड, गोला बारुद र युद्ध स्टोरहरू बरामद गरे।

सोही दिन असम राइफल्स र मणिपुर पुलिसले जिरिबम जिल्लामा गुप्तचरमा आधारित अपरेशन गरी एक एके ४७, दुई इम्प्रोभाइज्ड मोर्टार (पोम्पी), एक बोल्ट अपरेटिङ राइफल, पेस्तोल, ग्रेनेड, विस्फोटक पदार्थ, गोलाबारुद बरामद गरे।

त्यसैगरी, २० फरवरीमा तेंगनौपाल जिल्लाकाे रंगकेप लोकमा भारतीय सेना, असम राइफल्स र मणिपुर पुलिसले चार बोल्ट एक्शन राइफल, तीन सिङ्गल बोर राइफल, गोलाबारुद र हतियार बरामद गरे।

काकचिंग जिल्लाको सिंगटॉममा गुप्तचरको आधारमा गरिएको अभियानमा एउटा सेल्फ लोडिङ राइफल (एसएलआर) र एउटा सिंगल ब्यारेल राइफल बरामद भएको छ। पक्राउ परेकाहरुलाई बरामद सामानसहित मणिपुर पुलिसलाई हस्तान्तरण गरिएकाे छ।