डा. देवी प्रसाद शेट्टी, संस्थापक एवं अध्यक्ष, नारायणा हेल्थको उपस्थितिमा पश्चिम बङ्गालकी मुख्यमन्त्री ममता ब्यानर्जी गरिन् शिलान्यास

कोलकाता: पश्चिम बङ्गालमा स्वास्थ्य सेवाको पहुँचलाई फराकिलो बनाउने आफ्नो लक्ष्यलाई अगाडि बढाउँदै नारायणा हेल्थले कोलकाताको न्यू टाउनमा आफ्नो सबैभन्दा ठूलो अस्पताल, नारायणा हेल्थ सिटी को शिलान्यास गरेको छ। निर्माण सम्पन्न भएपछि, यो अत्याधुनिक मल्टी-स्पेशियालिटी अस्पताल पूर्वी भारतकै सबैभन्दा ठूलो निजी स्वास्थ्य सेवा केन्द्र बन्ने एक प्रेस विज्ञप्तिमा बताएको छ। १० लाख वर्ग फुटमा फैलिएको यो सुविधा विभिन्न चिकित्सा क्षेत्रमा उत्कृष्टता केन्द्र समेट्नेछ, जसमा अन्कोलोजी (क्यान्सर उपचार), कार्डियक साइन्स (मुटु रोग उपचार), अर्गान ट्रान्सप्लान्ट, अर्थोपेडिक्स, एडभान्स ट्रमा केयर, न्यूरोलोजी, ग्यास्ट्रोएन्टरोलोजी, रीनल साइन्स (मिर्गौला चिकित्सा) र क्रिटिकल केयर समावेश रहनेछन्। यस अस्पतालको लक्ष्य कोलकातालाई भारतको अग्रणी चिकित्सा केन्द्रहरूमध्ये एक बनाउने हो।
यसको शिलान्यास पश्चिम बङ्गालकी मुख्यमन्त्री ममता ब्यानर्जीले नारायणा हेल्थका संस्थापक एवं अध्यक्ष डा. देवी प्रसाद शेट्टीको उपस्थितिमा गरेकी हुन्। अत्याधुनिक प्रविधि तथा सुविधाहरूले सुसज्जित यो अस्पतालले उत्कृष्ट आउट-पेशेन्ट सेवा, छिटो डायग्नोस्टिक केयर तथा व्यापक चिकित्सा सेवाहरू उपलब्ध गराउनेछ।
१,१०० बेड क्षमताको यो नयाँ फ्ल्यागशिप अस्पतालले नारायणा हेल्थको कोलकाताभरि कुल बेड क्षमता २,५०० सम्म पुर्या उनेछ, जसले स्वास्थ्य सेवाको उपलब्धता र गुणस्तर अझ दरिलो बनाउनेछ। नारायणा हेल्थले लामो समयदेखि कोलकाता तथा पूर्वी भारतमा नारायणा अस्पताल आर एन ट्यागोर अस्पताल (मुखुन्दपुर), नारायणा अस्पताल (हावड़ा तथा चुनावटी), र नारायणा अस्पताल (बरासात) मार्फत उच्च गुणस्तरीय स्वास्थ्य सेवा प्रदान गर्दै आएको छ। अब, कोलकातामा आफ्नो पाँचौं इकाइको शिलान्यास गर्दै, जुन चरणबद्ध रूपमा निर्माण हुनेछ र पूर्वी भारतको सबैभन्दा ठूलो निजी अस्पताल बन्नेछ, नारायणा हेल्थले चिकित्सा उत्कृष्टता तथा स्वास्थ्य सेवाको पहुँच सुनिश्चित गर्ने आफ्नो प्रतिबद्धतालाई पुनः बलियो बनाएको छ।
नारायणा हेल्थका संस्थापक एवं अध्यक्ष डा देवी प्रसाद शेट्टीले यस महत्वपूर्ण विस्तारबारे आफ्नो धारणा व्यक्त गर्दै भने, “नारायणा हेल्थले वर्षौंदेखि भारतमा विश्वस्तरीय चिकित्सा सेवा प्रदान गर्न आफ्नो प्रतिबद्धता देखाउँदै आएको छ। यस विस्तारमार्फत, हामी कोलकाताका बिरामीहरूलाई उन्नत चिकित्सा सेवाका लागि अन्य महानगरहरू जानु नपरोस् भन्ने सुनिश्चित गर्न चाहन्छौं। पश्चिम बङ्गालकी मुख्यमन्त्री ममता ब्यानर्जीलाई यस अस्पतालको शिलान्यास गर्नुभएकोमा हार्दिक धन्यवाद दिन चाहन्छु। उहाँको सहयोगले यस क्षेत्रको स्वास्थ्य सेवा अझ मजबुत बन्नेछ।”
नारायणा हेल्थका प्रबन्ध निर्देशक तथा ग्रुप सीईओ, डा. इम्यानुएल रूपर्टले भने, “नारायणा हेल्थ सिटी, न्यू टाउन, कोलकाता पूर्वी भारतकै सबैभन्दा ठूलो निजी अस्पताल हुनेछ, जसले चिकित्सा क्षेत्रमा नयाँ मानक स्थापित गर्नेछ। यसमा सबै उत्कृष्टता केन्द्र, अत्याधुनिक प्रविधि र विश्वस्तरीय विशेषज्ञता एउटै छानामुनि उपलब्ध गराइनेछ। यो विस्तार हाम्रो प्रतिबद्धतालाई झनै बलियो बनाउनेछ कि हामी बिरामीहरूलाई उत्कृष्ट उपचार र चिकित्सा परिणाम प्रदान गर्न समर्पित छौं।” यस अस्पतालमार्फत विशेष उपचार मात्र होइन, कोलकाताको क्रिटिकल केयर तथा आपतकालीन सेवाहरू पनि मजबुत हुनेछन्, जसले जीवनरक्षक उपचारको अझ प्रभावकारी पहुँच सुनिश्चित गर्नेछ। नारायणा हेल्थका ग्रुप सीओओ आर वेंकटेशले भने,
“बढ्दो चिकित्सा आपतकालीन घटनालाई ध्यानमा राख्दै, अत्याधुनिक क्रिटिकल केयर युनिटको उपलब्धता अब विकल्प नभएर अनिवार्यता बनिसकेको छ। यस विस्तारले कोलकातालाई जटिल तथा आपतकालीन मामिलाहरूलाई विश्वस्तरीय पूर्वाधारका साथ व्यवस्थापन गर्ने क्षमता प्रदान गर्नेछ।”
यस रणनीतिक विस्तारका साथ, नारायणा हेल्थ पश्चिम बङ्गाल तथा भारतभर उच्च गुणस्तरीय स्वास्थ्य सेवा सुनिश्चित गर्ने प्रतिबद्धता व्यक्त गर्छ। नारायणा हेल्थ सिटी, न्यू टाउन, कोलकाताको शुरुवातले कोलकातालाई प्रमुख चिकित्सा केन्द्रको रूपमा स्थापित गर्ने र भारतको स्वास्थ्य सेवा प्रणालीलाई अझ मजबुत बनाउने दिशामा ठूलो योगदान गर्ने प्रेस विज्ञप्तिमा बताएको छ।