सिलगढी: सिलगढी टेलिफोन एक्सचेन्जमा आज दिउँसो एउटा झोलाका कारण बम भएको हल्ला शहरभरी फैलियो। धेरै मानिसहरु कार्यालय छाडेर सडकमा निस्किए।
बिहीबार सिलगढी टेलिफोन एक्सचेन्ज भित्र रातो झोलामा बम भएको हल्ला फैलियो। कार्यालयका कर्मचारीले पहिले झोला हेरे। पछि यो जानकारी सिलगढी पुलिस स्टेशनलाई दिइयो। सिलगढी पुलिस तुरुन्तै स्निपर कुकुर लिएर घटनास्थल पुग्यो। लामो समयसम्म झोला जाँच गरेपछि झोलाबाट तरकारीको बोक्रा निस्कियो।

तर, कार्यालय परिसरमा यस्तो झोला कसले राख्यो भन्नेबारे पुलिसले अनुसन्धान सुरु गरेको छ।