लण्डन: विश्वका नम्बर एक टेनिस खेलाड़ी यानिर सिनरमाथि डोपिंगको मामिलामा प्रतिबन्ध लगाउने सम्झौताको टेनिस जगतले कड़ा भाषामा आलोचना गरेको छ। सिनर र विश्व डोपिंग रोधी एजेन्सी (वाडा)-बीच निलम्बनलाई लिएर सम्झौता भएको छ। यस सम्झौता अनुसार, इटलीको स्टार खेलाड़ीमाथि केवल ३ महिनाको प्रतिबन्ध लगाइएको छ अनि उनले ५ मईदेखि फेरि खेल्न सक्नेछन्। यसको साथमा उनको वर्ल्ड ऱ्याङकिंगमा शीर्ष स्थानमा पनि कुनै असर पर्नेछौं अनि उनले सालका सबै ग्राण्ड स्ल्याम टुर्नामेण्ट खेल्न सक्नेछन्। गत वर्ष मार्चमा प्रतिबन्धित एनाबोलिक स्टेरोयडको सेवनको दोषी पाइने सिनरले कुनै खिताब या पुरस्कार राशि पनि गुमाउने छैनन्। यस सम्झौताको अहिले सर्वत्र आलोचना भइरहेको छ। तीनपल्टका ग्राण्ड स्ल्याम च्याम्पियन स्टेन वावरिंकाले एक्स-मा लेखेका छन्, अब सफा खेलमा विश्वास रहेन। यसरी विम्बल्डन उपविजेता निक किर्गियोसले भनेका छन्, टेनिसमा निष्पक्षता छैन। सिनरको टीमले प्रतिबन्धलाई केवल ३ महिनाको गर्न आफ्नो तर्फबाट पूरा ताकत लगायो। कुनै खिताब गुमाएनन्, कुनै पुरस्कार राशि गुमाएनन्। उनी साँच्चै दोषी छन् या छैनन्? टेनिसको निम्ति एउटा दुःखद दिन।
यसरी विश्वका आठौं नम्बरका खेलाड़ी दानिल मेदवेदेवले मार्सिले ओपनको सेमिफाइनलमा हारको सामना गरेपछि भने, मेरो विचारमा अब कसैले पनि वाडा-सँग कुराकानी गरेर अबदेखि यानिक सिनरले जस्तै आफूलाई बचाउन सक्नेछन्। पूर्व नम्बर एक ब्रिटिश टेनिस खेलाड़ी टिम हेनम्यानले भने, उनले हालै अष्ट्रेलियन ओपन जितेका हुन् अनि आउँदो ३ महिनासम्म एटीपी टूरमा खेल्न सक्नेछैनन् तर फ्रेञ्च ओपनमा खेल्ने पात्र हुनेछन्। सिनरको निम्ति प्रतिबन्धको समय बिताउने यसभन्दा राम्रो समय अरू कुनै हुन सक्दैन। यो यस खेलको निम्ति तीतो सत्य हो। नोवाक जोकोविच र वासेक पोस्पिसिलद्वारा स्थापित प्रोफेशनल टेनिस प्लेयर्स एसोसिएशनले पनि निर्णय लिने प्रक्रियामा सामेल पार्टीहरूको आलोचना गर्दै आफ्नो बयानमा भनेको छ, कुनै सटीक प्रणाली छैन। यो एउटा क्लब हो। यो केवल अनुरुप सौदाहरू, अनुचित व्यवहार र असंगत निर्णयहरूको निम्ति कवर हो। यसमा पारदर्शिताको कमी र प्रक्रियाको अभाव रहेको छ।