कराची: च्याम्पियन्स ट्रफी २०२५ अघि पाकिस्तानले घरेलु मैदानमा दक्षिण अफ्रिका र न्यूजील्याण्डविरुद्ध खेलिएको त्रिदेशीय वनडे सीरीज गुमायो। कराचीको नेशनल स्टेडियममा खेलिएको फाइनल म्याचमा न्यूजील्याण्डले पाकिस्तानलाई ५ विकेटले पराजित गऱ्यो। यस टुर्नामेण्टमा पाकिस्तानले ३ वटा म्याच खेलेर २ वटा हाऱ्यो, जसमा फाइनल पनि सामेल छ। फाइनल म्याचमा टस जितेर पहिला ब्याटिंग गर्दै पाकिस्तान ४९.३ ओभरमा २४२ रन बनाएर अलआउट भयो। त्यसपछि न्यूजील्याण्डले ४५.२ ओभरमै ५ विकेट गुमाएर २४३ रनको लक्ष्यलाई हासिल गऱ्यो। न्यूजील्याण्डको तर्फबाट डेरिल मिचेलले ५७ र टम लाथमले ५६ रनको योगदान दिए। यसबाहेक ओपनर डेवोन कन्वेले ४८ र अनुभवी केन विलियम्सले ३४ रन बनाए। यसमा मिचेल र लाथमले मिलेर चौथो विकेटको निम्ति ९१ रनको म्याच जिताउने पार्टनरशीप गरे। मिचेलले ५८ बल खेलेर ६ वटा चौका लगाए। यसरी लाथमले ६४ बल खेलेर ५ वटा चौका लगाए। पाकिस्तानका बलरहरूमा नसीम शाहले सर्वाधिक २ विकेट लिए। यसअघि पाकिस्तानको ईनिंग्समा कसैले अर्द्धशतक पनि बनाउन सकेनन्। कप्तान मोहम्मद रिजवानले ७६ बल खेलेर ४ वटा चौका र एउटा छक्काको साथ सर्वाधिक ४६ रन बनाए। यसबाहेक सलमान आगाले ४५, तय्यब ताहिरले ३८ र बाबर आजमले २९ रनको योगदान दिए। न्यूजील्याण्डका बलरहरूमा विल ओ’रुर्कीले सर्वाधिक ४ विकेट लिए। उनले प्लेयर अव् द म्याचको पुरस्कार जिते।