गान्तोक: स्वास्थ्य नै जीवनको सबैभन्दा ठूलो धन हो भन्ने मूल मन्त्रलाई ध्यानमा राख्दै सिक्किमका मुख्यमन्त्री प्रेमसिंह तामाङको विशेष पहलमा आज पश्चिम बंगालको सिलगढीअन्तर्गत विभिन्न अस्पतालहरूमा उपचार गराइरहेका सिक्किमका बिरामीहरूका लागि समर्पित ‘आमाको गोद, सु-स्वास्थ्य निवासको उद्घाटन गरे। सिलगढीको चम्पासरीमा स्थापित यस केन्द्रको आज बिहान मुख्यमन्त्रीले विधिवत रूपमा उद्वघाटन गर्दै रोगीहरूको निम्ति समर्पित गरे। सिक्किम क्रान्तिकारी मोर्चा पार्टीको भातृ संगठन गरीब जनकल्याण प्रकोष्ठको निगरानीमा व्यवस्थापन गरिएको र हाल किरायामा सञ्चालित रहेको यस सुविधाले सिक्किमका मानिसहरूलाई घरबाट टाढाको चिकित्सा यात्रामा व्यापक सहयोग प्रदान गर्ने दिशामा एक महत्त्वपूर्ण पहल हो। आमाको गोद अतिथि गृहले बिरामी र उनीहरूका परिवारलाई उनीहरूको बसाइको लागि आरामदायक, सुसज्जित वातावरण प्रदान गरेर अपार राहत प्रदान गर्नेछ भन्नेमा आफू विश्वस्त रहेको मुख्यमन्त्रीले उल्लेख गरेका छन्। यो पहलले सिक्किम राज्यका नागरिकहरूको कल्याणको लागि र एसकेएम सरकारको प्रतिबद्धतालाई प्रतिबिम्बित गर्ने, स्वास्थ्य चुनौतीहरूको सामना गर्दा उनीहरूको आवश्यक सुविधा सुनिश्चित गर्नसक्ने मुख्यमन्त्रीले आफ्नो आधिकारिक सामाजिक सञ्जालमा उल्लेख गरेका छन्। एसकेएम सरकारको स्थापनाकालदेखि नै जनताको स्वास्थ्य सेवाको आवश्यकतालाई प्राथमिकता दिएका दिएको र अत्यन्त आवश्यकताको समयमा उनीहरूको साथमा रहने हाम्रो प्रतिबद्धतालाई मजबुत बनाएका बनाएको बताउँदै मुख्यमन्त्रीले गरीब जनकल्याण प्रकोष्ठका प्रमुख संरक्षक प्रभाकर गोलेको मार्गदर्शनमा समर्पित चिकित्सा कर्मचारी र सम्पूर्ण सदस्यहरूप्रति हार्दिक कृतज्ञता व्यक्त गरेका छन्। जनकल्याण प्रकोष्ठको प्रयासले बिरामीहरूले दक्षता र करुणाका साथ आवश्यक हेरचाह प्राप्त गर्न सुनिश्चित गर्ने उल्लेख गरेका छन्। उनीहरूको निरन्तर जोश र प्रतिबद्धताले हाम्रा जनताको सेवा गर्ने र उनीहरूलाई सुरक्षा, समर्थन र आश्वासनको भावना प्रदान गर्ने सिक्किम सरकारको जिम्मेवारीलाई पुष्टि गर्दछ। भविष्यमा यो केन्द्रको स्तर वृद्दि गरेर थप सुविधा सम्पन्न बनाउने सरकारको योजन रहेको उनले बताएका छन्।यो पहल सिक्किमे जनताका लागि स्वास्थ्य सेवाको समर्थन बढाउने दिशामा एक महत्वपूर्ण कदम हो। कुनै पनि नागरिकले चिकित्सा उपचारको क्रममा अनुचित कठिनाईको सामना गर्नु नपरोस् भन्ने सुनिश्चित गर्दै सरकार स्वास्थ्य सेवाको सुविधा बढाउने आफ्नो मिशनमा प्रतिबद्ध रहेको मुख्यमन्त्रीले जानकारी गराएका छन्। यस अतिथिगृहको उद्वघाटन अवसरमा सिक्किम गरीब जनकल्याण प्रकोष्ठका प्रमुख संरक्षक प्रभाकर गोले, लगायत प्रकोष्ठका अन्य पदाधिकारी एवं कार्यकर्ताहरू उपस्थिति रहेका थिए।