नयाँ दिल्ली: प्रधानमन्त्रीले आज सङ्गीतकार चन्द्रिका टन्डनलाई एल्बम त्रिवेणी का लागि ग्र्यामी पुरस्कार जितेकोमा बधाई दिएका छन्। उनले भारतीय संस्कृतिप्रति उनको समर्पणको प्रशंसा गर्दै, एक उद्यमी, परोपकारी तथा सङ्गीतकारको रूपमा टन्डनले हासिल गरेको उपलब्धिलाई उच्च सम्मान दिएका छन्।सामाजिक सञ्जाल एक्समा पोस्ट गर्दै प्रधानमन्त्री मोदीले लेखे: “एल्बम त्रिवेणीका लागि ग्र्यामी पुरस्कार जितेकोमा चन्द्रिका टन्डनलाई हार्दिक बधाई। उद्यमशीलता, परोपकार र विशेषगरी सङ्गीतको क्षेत्रमा उनको उपलब्धिले हामीलाई गर्वको अनुभूति गराएको छ। भारतीय संस्कृतिप्रति उनी अत्यन्त समर्पित छन् र यसलाई प्रवर्द्धन गर्न निरन्तर कार्य गरिरहेकी छन्। उनी धेरै व्यक्तिहरूका लागि प्रेरणाको स्रोत हुन्। २०२३ मा न्यूयोर्कमा भएको हाम्रो भेट अहिले पनि मलाई स्पष्ट रूपमा याद छ।” –पीआईबी