चितवन: नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले प्रतिपक्षी दलले उठाएका विषयमा सरकार सकारात्मक नभए सडक आन्दोलन गर्ने चेतावनी दिएका छन्।
चितवनको भरतपुरमा शनिबार युनाइटेड एम्बुलेन्स चालक संघ नेपाल ट्रेड युनियन एशोसिएशनको सातौं वार्षिक समारोहमा उनले यस्तो बताएका हुन्। उनले प्रतिपक्ष एकजुट भएर देश र जनताको पक्षमा आवाज उठाएको बताए। सरकारले आफ्नो समस्यालाई गम्भीरतापूर्वक लिएन भने सडकमा उत्रने उनीहरुले चेतावनी दिएका छन्।
देशको राजनीति सुचारु हुन नसक्दा धेरै समस्या आएको उनले बताए। उहाँको पहलका कारण शान्ति प्रक्रिया टुङ्ग्याउने प्रक्रिया अन्तिम चरणमा पुगेको उनले बताए।
प्रचण्डले एम्बुलेन्स क्षेत्रमा ‘सिन्डिकेट’ अन्त्य गर्नुपर्ने आवश्यकता रहेको युनाइटेड एम्बुलेन्स चालक संघको १३ बुँदे मागप्रति आफू सकारात्मक रहेको बताउँदै यो विषयलाई संसद बैठकमा गम्भीरतापूर्वक उठाउने वाचा गरे।