सिलगढी: सडक सुरक्षा सप्ताहको अवसरमा नयाँ जलपाईगढी ट्राफिक पुलिसले आज बाइपास भीआईपी क्षेत्रमा जागरूकता अभियान शुरु गर्‍यो। हेल्मेट बिना बाइक चलाउनेहरूलाई गुलाबको फूल र हेल्मेट प्रदान गरिएको थियो। हेल्मेट नलगाउँदा के हुनसक्छ भनेर ट्राफिक पुलिसले बतायोl सिट बेल्ट नलगाई गाडी चलाउनेहरूलाई सिट बेल्ट लगाउन अनुरोध गरिएको थियो। यसैबीच, हेल्मेट नलगाई पुलिसबाट भाग्न खोज्दा एक स्कुटर चालक लडे र ट्राफिक पुलिसले उनलाई राम्रो व्यवहार गर्दै हेल्मेट र फूल दिएर हेल्मेट लगाएर बाइक चलाउन मनाएको बताए। पुलिसको गान्धीगिरीबाट सबैजना धेरै खुशी देखिन्थे।