मेलबर्न: शीर्ष ऱ्याङकिंगमा रहने यानिक सिनरले अष्ट्रेलियन ओपन टेनिस टुर्नामेण्टको पुरुष एकल फाइनलमा जर्मनीका अलेक्जेण्डर ज्वेरेवलाई सीधा सेटमा पराजित गरी लगातार दोस्रोपल्ट खिताब जिते। इटलीका २३ वर्षीय सिनरले दोस्रो ऱ्याङकिंगमा रहने ज्वेरेवलाई २ घण्टा ४२ मिनटसम्म चलेको म्याचमा ६-३, ७-६ (४), ६-३-ले पराजित गरे। यसरी उनी १९९२ र १९९३-मा अमेरिकाका जिम कूरियरपछि लगातार २ पल्ट ट्रफी जित्ने सबैभन्दा कम्ती उमेरका खेलाड़ी बने। यसरी उनी तीनवटा ग्राण्ड स्ल्याम खिताब जित्ने इटलीका पहिलो खेलाड़ी हुन्। २०१९-मा तत्कालीन शीर्ष ऱ्याङकिंग भएको खेलाड़ी नोवाक जोकोविचले दोस्रो ऱ्याङकिंगमा रहने रफायल नडाललाई पराजित गरेपछि यो पहिलो अवसर थियो जब फाइनलमा शीर्ष २-मा सामेल खेलाड़ीहरूबीच फाइनलमा भिड़न्त भएको थियो। ऱ्याङकिंगमा केवल एक स्थानको फरक भए पनि फाइनलमा दोस्रो सेटलाई छोड़ेर ज्वेरेवले सिनरलाई कुनै चुनौती दिन सकेनन्। म्याचमा ज्वेरेवको २५ वटा विनर्सको तुलनामा सिनरले ३२ वटा विनर्स लगाए। यसरी जर्मनीका खेलाड़ीले ४५ वटा अनफोर्स्ड एरर गरे पनि इटलीका खेलाड़ीले केवल २७ वटा अनफोर्स्ड एरर गरे। म्याच हारेपछि ज्वेरेवले भने, अहिले उनी (सिनर) ठूलो अन्तरले विश्वका सर्वश्रेष्ठ खेलाड़ी हुन्। म उनलाई कड़ा चुनौती दिन चाहन्थे तर उनले असाधारण खेल देखाए। उल्लेखनीय छ, सिनरको यो लगातार २१औं जीत हो। यसरी गत ५ वटा ग्राण्ड स्ल्याममा उनी तेस्रोपल्ट च्याम्पियन बनेका छन्। गत सालदेखि अहिलेसम्म सिनरको जीत-हारको रेकर्ड ८०-६ रहेको छ अनि यस अवधि उनले ९ वटा टुर्नामेण्ट जितेका छन्।
सिनरले च्याम्पियन भएपछि भने, यो असाधारण यात्रा रह्यो। यसरी सफलता हासिल हुँदा खुशी लाग्छ। पुरुष एकलमा यस्तो कम्ती नै हुन्छ जब कुनै खेलाड़ीले करियरको पहिलो ग्राण्ड स्ल्याम खिताबलाई बचाउन सक्छन्। सिनर अघि स्पेनका रफायल नडालले २००५ र २००६-मा फ्रेञ्च ओपनको खिताब जितेर यस उपलब्धिलाई हासिल गरेका थिए। सिनर ओपन युग (१९८६-देखि)-मा आफ्नो शुरुवाती तीनवटा ग्राण्ड स्ल्याम फाइनलमा जीत हासिल गर्ने आठौं खेलाड़ी हुन् जबकि आफ्नो शुरुवाती तीनैवटा फाइनलमा हारको सामना गर्ने ज्वेरेव सातौं खेलाड़ी हुन्। ज्वेरेव यसअघि २०२०-को यूएस ओपन र २०२४-को फ्रेञ्च ओपन फाइनलमा पुगेका थिए।