सिलगढी: सिलिगुडीको प्रधान नगर थानाका वर्तमान आईसी बासुदेव सरकारलाई राष्ट्रपति पुलिस पदक प्रदान गरिएको छ।यसरी राष्ट्रपति पुलिस पदक प्राप्त गरेपछि सम्पूर्ण पुलिस विभागमा खुशीको माहोल छाएको छ। सिलगढी पुलिस आयुक्तालय मैदानमा गणतन्त्र दिवसकार्यक्रम आयोजना गरिएको थियो। कार्यक्रममा पुलिस आयुक्त सी सुधाकरले प्रधान नगर पुएिस थानाका आईसी बासुदेव सरकारलाई राष्ट्रपति पुलिस पदकले सम्मान गरे।उल्लेखनीय छ कि सन् २०२३ मा, बासुदेव सरकारको नाम राष्ट्रपति पुलिस पदकको लागि छनोट गरिएको थियो र गृह मन्त्रालयमा पठाइएको थियो। त्यतिबेला बासुदेव सरकार अलिपुरद्वार थानामा कार्यरत थिए। सन् २०१४ मा, वासुदेव सरकारलाई सिलगढी महानगर पुलिसको प्रधान नगर पुलिस थटनामा सरुवा गरियो। यसैबीच, जनवरी २५ मा गृह मन्त्रालयले राष्ट्रपति पुलिस पदक प्राप्त गर्ने पुलिस अधिकारीहरूको नामावली प्रकाशित गर्‍यो।
जसमा सिलगढी महानगर पुलिसको प्रधान नगर पुलिस थानाका आईसी बासुदेव सरकारको नाम पनि थियो। राष्ट्रपतिबाट बासुदेव सरकारले प्राप्त गरेको यो तेस्रो पदक हो। यसअघि उनले सन् २००३ र २००५ मा राष्ट्रपतिबाट दुई पदक प्राप्त गरेका थिए।राष्ट्रपति पुलिस पदक प्राप्त गरेपछि बासुदेव सरकारले सम्मान प्राप्त गर्न पाउँदा धेरै खुसी लागेको बताए।उनी भन्छन् कि सन् २००३ को सुरुमा उनलाई राष्ट्रपति शौर्य पदकबाट सम्मानित गरिएको थियो।कुमार ग्राममा आतंककारी र आतंककारीहरूको सामना गरेबापत उनले त्यो पदक प्राप्त गरेका थिए। जबकि २००५ मा उनलाई राष्ट्रपति वीरता पदकबाट सम्मानित गरिएको थियो। उनले २० वर्षभन्दा बढी सेवामा यो आफ्नो तेस्रो पदक भएको बताए।