कोलकाता: भारतको प्रमुख अन्तर्राष्ट्रिय एयरलाइन एयर इण्डियाले गणतन्त्र दिवसको अवसरमा एक विशेष पहलको सुरुवात गर्दै राष्ट्रको एकता, गर्व र आकांक्षालाई झल्काउँदै उत्सवलाई पुनर्परिभाषित गरेको छ। यो विशेष पहलको केन्द्रमा छ “स्काई परेड” – एक नवीन संवर्धित वास्तविकता (एआर) अनुभव, जसले विश्वभरका भारतीयलाई जोड्ने लक्ष्य लिएको छ। समकालीन भारतको सार झल्काउने एउटा छोटो फिल्मको साथमा प्रस्तुत गरिएको यो एआर फिल्टरले संसारभरका मानिसलाई नयाँ रूपले सजिएको एयर इण्डियाको बेडालाई आकाशमा स्काई परेड गर्दै देख्न आमन्त्रित गर्दछ। गणतन्त्र दिवसको मर्मस्पर्शी यो फिल्मले एक भारतीय परिवारको उत्साह र भावनालाई प्रस्तुत गर्दछ। फिल्ममा ८ वर्षकी नानी परिवारको केन्द्रमा छिन्, जसले व्यक्तिगत रूपमा गणतन्त्र दिवसको परेड हेर्ने उत्साह राखेकी हुन्छिन्। तर, परेडको अनुभव केवल टिभी स्क्रिनसम्म सीमित हुने कुरा थाहा पाएपछि उनी निराश हुन्छिन्। जब उनी बाहिर निस्किन्छिन्, उनको दाजु बाबुले उनलाई एयर इण्डियाको बेडाले अद्भुत तरिकाले उडान भर्दै परेडलाई आकाशमा जीवन्त बनाएको देखाउँछन्। एआर फिल्टरको प्रयोगमार्फत आकाश भारतको गौरवको गतिशील प्रदर्शनमा परिणत हुन्छ।

यो नयाँ स्काई परेड एआर अनुभवले भूगोलको सीमालाई पार गर्दै व्यक्तिलाई यो नवाचारको हिस्सा बन्न आमन्त्रित गर्दछ। क्युआर कोड स्क्यान गरेर र आफ्नो फोनलाई आकाशतर्फ इंगित गरेर, सहभागीहरूले खुला आकाशमा एयर इण्डियाको भव्य हवाई प्रदर्शनको आनन्द लिन सक्छन्। यो पहलले न केवल संसारभरका मानिसलाई जोड्दछ, तर भारतीय विरासत र साझा राष्ट्रिय गर्वप्रति गहिरो सम्बन्ध पनि स्थापित गर्दछ। पारिवारिक सम्बन्धको पृष्ठभूमिमा आधारित यो नयाँ विशेषताले गणतन्त्र दिवस परेडको परम्परालाई बढाउँदै यसलाई समावेशी र अविस्मरणीय बनाएको छ। खुला आकाश भारतको असीम भावना र आकांक्षाको प्रतिनिधित्व गर्दछ, जसले देशको समृद्ध विरासतलाई भविष्यको अनन्त सम्भावनासँग जोड्दछ। फिल्मले गर्व, आत्मीयता र नवाचारलाई सन्तुलित रूपमा प्रस्तुत गर्दछ। एयर इण्डियाको बेडालाई तमाशाको केन्द्र बनाउँदै, यो कार्यक्रम परम्परा र परिवर्तन दुवैको प्रतीक बनेको छ। एयर इण्डियाको स्काई परेड केवल एउटा कार्यक्रम होइन – यो सबै भारतीयलाई आफ्नो गौरव, विरासत र एकताको उत्सव मनाउन गरिएको आमन्त्रण हो।

यस उत्सवमा सहभागी हुनुहोस्: क्युआर कोड स्क्यान गर्नुहोस्, आफ्नो फोनलाई आकाशतर्फ घुमाउनुहोस् र यस जादुई अनुभवको हिस्सा बन्नुहोस्। आफ्नो प्रियजनहरूसँग यो पल साझा गर्नुहोस् र विश्वलाई देखाउनुहोस् कि भारत वास्तवमै प्रगतिको दिशामा अघि बढिरहेको छ।