राजगञ्ज: कामतपुरी राज्य र भाषा आन्दोलनका शहीदहरूको सम्झनामा साहुडांगी शहीद वेदी समितिले शहीद दिवस मनायो। कामतपुरी राज्य र भाषाको लागि आन्दोलन गर्दा जगदीशचन्द्र राय र गजन राय शहीद भएका थिए। शनिबार जलपाईगुडीका सांसद जयन्त कुमार रायले राजगञ्ज ब्लकको साहुडांगी मोर र जगदीश कोलोनीमा रहेको शहीद वेदीमा फूल चढाएर श्रद्धाञ्जली अर्पण गरे।समिति स्रोतका अनुसार २५ जनवरी १९८७ मा कामतापुर राज्य र भाषाको माग गर्दै अल्ताग्राम स्टेशनमा रेल रोको कार्यक्रम आयोजना गरिएको थियो। त्यस दिन आन्दोलनकारीहरूमाथि भएको गोलीबारीमा साहुडांगीका जगदीशचन्द्र राय र धुपगुडीका गजन रायको मृत्यु भयो।
त्यसैले दुवै सहिदको सम्झनामा हरेक वर्ष जनवरी २५ मा शहीद दिवस मनाइन्छ। यस क्रममा राजेश राय, संजय राय, सुधीर सरकार, स्वाधीन राई, तरुण राय, अजित राय लगायत उपस्थित थिए।