अलिपुरद्वार: विगत केही दिनदेखि आफ्नो अर्को राजनीतिक कदमको बारेमा समाचारमा रहेका भाजपा नेता तथा पूर्व केन्द्रीय मन्त्री जोहन बारला अन्ततः राज्यकी मुख्यमन्त्री ममता ब्यानर्जीको उपस्थितिमा अलिपुरद्वार जिल्लामा आयोजना भइरहेको सरकारी परियोजना वितरण कार्यक्रममा भाग लिन पुगे।मुख्यमन्त्रीबाट निमन्त्रणा पाएपछि उनी केन्द्रीय सुरक्षा गार्डसहित कार्यक्रममा पुगे। कार्यक्रममा उपस्थित सञ्चारकर्मीहरूसँग कुरा गर्दै उनले कार्यक्रम स्थलसँगै जग्गा रहेको बताए। ‘यदि राज्य सरकारले जग्गा उपलब्ध गरायो भने यहाँ विमानस्थल बनाउन सकिन्छ। म यसबारे मुख्यमन्त्रीसँग कुरा गर्नेछु। म बन्द चिया बगान खोल्ने बारेमा पनि कुरा गर्नेछु;, उनले भने। उनले भने, ‘१०० दिनको काम रोकिएको छ, पैसा आउन बन्द भएको छ, प्रधानमन्त्री आवास योजनाअन्तर्गत घर निर्माण रोकिएको छ, चिया बगानका मजदुरहरूले न्यूनतम ज्याला पाउँदैनन्’, उनले भने। उनले प्रश्न उठाए, ‘के मानिसहरू यसरी बाँच्न सक्छन्? के तपाईं तृणमूल कांग्रेसमा सामेल हुँदै हुनुहुन्छ? यस प्रश्नको जवाफमा, डुवर्सका आदिवासी नेता तथा पूर्व केन्द्रीय मन्त्रीले भने, ‘मुख्यमन्त्रीसँग मेरो धेरै कुराहरू छन्। पहिले यसबारे छलफल गरौं, त्यसपछि म तपाईंलाई पक्कै भन्नेछु।‘