नयाँ दिल्ली: प्रयागराज विमानस्थलले हालै ९३ वर्षपछि कुनै विदेशी विमानको अवतरण र उडान भर्नुको साथ ऐतिहासिक उपलब्धि हासिल गरेको छ। यस विमानस्थलबाट अन्तिम अन्तर्राष्ट्रिय उडान सन् १९३२ मा लण्डनका लागि उडान भरेको थियो र अहिले भूटानी विमानले विमानस्थलबाट आफ्नो अवतरण र उडान भरेको छ, जुन यसको इतिहासमा एक महत्त्वपूर्ण उपलब्धि हो। १३ जनवरीमा महाकुम्भ मेला शुरु भएसँगै प्रयागराज विमानस्थलमा यात्रुहरूको संख्यामा उछाल आएको छ। गत सप्ताहको अवधिमा एकै दिनमा रेकर्ड सङ्ख्यामा यात्रुहरूले गरे। १४ जनवरीमा महाकुम्भको पहिलो ’अमृत स्नान’ को समयमा मकर सङ्क्रान्तिको अवसरमा ३८ उडानको माध्यमद्वारा ५२५० यात्रुहरूले यात्रा गरे। १ जनवरी २०१९ मा प्रयागराज विमानस्थल पुन: खोलिएपछि एकै दिनमा ५००० भन्दा अधिक यात्रुहरूले यात्रा गरेको यो पहिलो अवसर हो।
पूर्वोत्तरबाट आएको मिडिया प्रतिनिधिमण्डललाई सम्बोधन गर्दै विमानस्थल निर्देशक मुकेश चन्द्र उपाध्यायले ऐतिहासिक घटनाको बारेमा आफ्नो खुशी साझा गर्दै भने, प्रयागराज विमानस्थलले ९३ वर्षपछि कुनै विदेशी विमानको अवतरण र उडानको साथ एक ऐतिहासिक क्षण देखेको छ। यस विमानस्थलबाट अन्तिम अन्तर्राष्ट्रिय उडान १९३२ मा लण्डनको लागि उडान भरेको थियो र यस पटक भुटानी विमानले आफ्नो अवतरण र उडान भरेको छ, जुन हाम्रो विमानस्थलको इतिहासमा एक महत्त्वपूर्ण माइलखुट्टी हो।
उनले अगाडि भने, ‘१३ जनवरीमा महाकुम्भ मेला शुरु भएसँगै प्रयागराज विमानस्थलमा यात्रुहरूको सङ्ख्यामा धेरै उछाल आएको छ। पछिल्लो सप्ताहमा हामीले एकै दिनमा रेकर्ड सङ्ख्यामा यात्रुहरूले यात्रा गरेको देख्यौँ। १४ जनवरीमा महाकुम्भको पहिलो ‘अमृत स्नान’ को समयमा मकर संक्रान्तिको अवसरमा ३८ उडानहरूको माध्यमद्वारा ५२५० यात्रुहरूले यात्रा गरे। २०१९ मा विमानस्थल पुन: खुलेपछि एकै दिनमा ५००० भन्दा अधिक यात्रुहरूले यात्रा गरेको यो पहिलो अवसर हो।‘
विमानस्थल निर्देशकले अघि थपे, ‘यात्रुहरूको संख्यामा उल्लेखनीय वृद्धि हाम्रो विमानस्थलमा हामीले प्रदान गर्ने उत्कृष्ट सेवा र सुविधाहरूको प्रमाण हो। काशी, अयोध्या र प्रयागराजको त्रिकोण विमानस्थललाई गतिविधिले भरिपूर्ण राखिरहेको छ र हामी आगामी दिनहरूमा अझ बढी यात्रु यातायातलाई सम्हाल्नका लागि पूर्ण रूपमा तयार छौँ।‘ उनले हालैका यात्रुहरूको संख्या पनि साझा गर्दै भने, ‘१९ जनवरीमा हामीले ३० उडानमा ४००6 यात्रु बोकेका थियौँ, १८ जनवरीमा ३० उडानमा ४३१७ यात्रु आए र १७ जनवरीमा ३० उडानमा ३८८५ यात्रु आएका थिए। १६ जनवरीमा ३० उडानले ३८६१ यात्रु बोकेका थिए, जबकि १५ जनवरीमा ३४ उडानमा ४५५१ यात्रु आए। १४ जनवरीमा हामीले ३८ उडानमा ५२५० यात्रु बोकेका थियौँ र १४ जनवरीमा ३४ उडानमा ४२५२ यात्रुहरू आए।‘
आफ्नो सम्बोधनको समापन गर्दै उपाध्यायले भने, ‘प्रयागराज विमानस्थलले महाकुम्भ मेलाको समयमा बढेको यात्रु यातायातको प्रबन्धनमा महत्त्वपूर्ण भूमिका निर्वाह गरिरहेको छ। अन्तर्राष्ट्रिय उडानहरूको सफल आगमनसँगै हामी आगामी वर्षहरूमा आफ्नो विकासलाई जारी राख्न र यस क्षेत्रको विमानन विकासमा योगदान दिनका लागि तयार छौँ।‘ प्रयागराज विमानस्थलले उन्नत पूर्वाधार र सेवाहरूमा सुधार गर्दै निरन्तर अघि बढ्ने तयारी गरिरहेको छ, जसले यस क्षेत्रको विकासमा थप योगदान पुर्याउनेछ र विशेष गरी महाकुम्भ मेलाको समय र त्यसपछिको बढ्दो यात्रु यातायातलाई समायोजन गर्नेछ।‘ –पीआईबी
About Author
