कोलकाता: भारतको प्रमुख प्लम्बिङ र जल व्यवस्थापन समाधान प्रदान गर्ने कम्पनी आशीर्वाद बाय एलियाक्सिसले भारतका प्रतिष्ठित शैक्षिक संस्थानहरूमध्ये एक, जादवपुर विश्वविद्यालयसँग एक ऐतिहासिक साझेदारीको घोषणा गरेको छ। यो साझेदारी तीन वर्षसम्म कायम रहनेछ र आशीर्वाद बाय एलियाक्सिसको प्रोजेक्ट फन्डिङ पहलद्वारा समर्थित हुनेछ। यस सहयोगको उद्देश्य जल व्यवस्थापनसँग सम्बन्धित गम्भीर समस्याहरूको समाधान खोज्नु र विश्वविद्यालयका जल व्यवस्थापन समाधानलाई अझ प्रभावकारी बनाउनु हो। साथै, यो साझेदारीले विद्यार्थीहरूलाई उद्योगका अनुभवी विशेषज्ञहरूसँग व्यावहारिक अनुभव हासिल गर्न र नयाँ ज्ञान प्राप्त गर्न अद्वितीय अवसर दिनेछ। यो परियोजना ओपन इनोभेसन फ्रेमवर्क अन्तर्गत सञ्चालन गरिनेछ, जसले विद्यार्थीहरूलाई आशीर्वादका विशेषज्ञहरूसँग जोडेर उनीहरूलाई वास्तविक समस्याहरूको व्यावहारिक समाधान सिक्न सहयोग पुर्‍याउनेछ।

परियोजनाका मुख्य उद्देश्यहरू:

टिकाऊ, किफायती, र संवहनीय प्लम्बिङ समाधानका लागि उन्नत पॉलिमर सामग्री विकास गर्नु।

कचरा घटाउने र हानिकारक प्रदूषक हटाउने नयाँ जल शोधन प्रविधि पत्ता लगाउनु।

जल पुनर्चक्रणको स्थायी प्रविधिहरू विकास गरेर जल स्रोतको दीर्घकालीन संरक्षण गर्नु।

आशीर्वाद बाय एलियाक्सिसका अनुसन्धान, नवाचार, र विकास उपाध्यक्ष डा शिरीष पंकजले यस साझेदारीप्रति आफ्नो उत्साह व्यक्त गर्दै भने, “यो सहयोगले जल व्यवस्थापनसम्बन्धी चुनौतीहरू समाधान गर्न मात्र होइन, विद्यार्थीहरूलाई प्रत्यक्ष र महत्त्वपूर्ण अनुभव प्रदान गर्न पनि मद्दत पुर्‍याउनेछ। यस पहलले उन्नत पॉलिमर र सामाग्रीहरूको खोजमार्फत नयाँ पुस्ताका प्लम्बिङ समाधानहरू निर्माण गर्ने लक्ष्य राखेको छ।” जादवपुर विश्वविद्यालयका उपकुलपति प्रोफेसर भास्कर गुप्ताले यस साझेदारीलाई शिक्षा र उद्योग जगतको बीचमा एक बलियो सेतुको रूपमा परिभाषित गरे। उनले भने, “यो सहमति-पत्रले दीर्घकालीन परस्पर विश्वास कायम राख्नेछ र राष्ट्र निर्माणमा ठूला योगदान दिनेछ।”

युनिभर्सिटीका प्रो-भाइस चान्सलर, प्रोफेसर अमिताभ दत्ताले पनि आफ्नो खुशी व्यक्त गर्दै भने, “यो वैज्ञानिक र प्राविधिक क्षेत्रको साझेदारीले अनुसन्धानका नयाँ सम्भावनाहरू ल्याउनेछ र देशमा ट्रान्सलेसनल रिसर्चको उत्कृष्ट उदाहरण बन्नेछ।” यो सहकार्यले जल व्यवस्थापनको क्षेत्रमा नवीन सोच र प्रविधिको विकास गरी भावी पुस्तालाई सशक्त बनाउने लक्ष्य राखेको छ। जादवपुर विश्वविद्यालय र आशीर्वाद बाय एलियाक्सिसको यो साझेदारी अनुसन्धान, शिक्षा र उद्योगका बीच नवप्रवर्तनलाई प्रवर्द्धन गर्ने महत्त्वपूर्ण कदम सावित हुनेछ।