इजरायल र हिज्बुल्लाह बीच युद्धविराम लागू भएपछिसंयुक्त राष्ट्र संघका महासचिव एन्टोनियो गुटेरेसले अन्तर्राष्ट्रिय समुदायले लेबनानलाई समर्थन गर्ने बताएका छन्, ‘किनभने हामीलाई विश्वास छ कि यो देश चाँडै पुनर्स्थापित हुनेछ र फेरि मध्य पूर्वको केन्द्र बन्नेछl’ शनिबार बेरुतमा लेबनानका नवनिर्वाचित राष्ट्रपति जोसेफ आउनसँगको भेटपछि संयुक्त राष्ट्र संघ प्रमुखले उक्त टिप्पणी गरेका हुन्। गत हप्ता जोसेफ आउनको निर्वाचनपछि सरकार गठन गर्न नयाँ प्रधानमन्त्रीको नाम पनि तोकिएको थियो। लेबनान २६ महिनादेखि राष्ट्रपतिविहीन थियो, जुन सानो देशको आन्तरिक विभाजनको एक कारण थियो। यसबारे एन्टोनियो गुटेरेसले भने कि राष्ट्रपति र प्रधानमन्त्रीको नामकरणले लेबनानी संस्थाहरूलाई बलियो बनाउन र इजरायली सेना फिर्ता हुने क्षेत्रहरू सहित देशभर लेबनानी सेना तैनाथ गर्न सम्भव बनाउँछ। ‘द्वन्द्व समाप्त हुने बित्तिकै पुनर्निर्माण शुरु हुन्छ’, संयुक्त राष्ट्र संघका महासचिवले भने। संयुक्त राज्य अमेरिकाको मध्यस्थतामा भएको यो युद्धविराम इजरायल-हिजबुल्लाह युद्ध अन्त्य गर्ने प्रयास हो, जसले लेबनानमा ४,००० भन्दा बढी मानिसको मृत्यु भएको छ र १६,००० भन्दा बढी घाइते भएका छन्। सम्झौताको अंश भनेको हिजबुल्लाह इजरायलसँगको सीमा क्षेत्रबाट पछि हट्नेछ र इजरायलसँगको सीमामा लेबनानी सेना र संयुक्त राष्ट्र शान्ति सेना मात्र सशस्त्र रहनेछन्। गत वर्ष नोभेम्बरमा इजरायल र हेजबुल्लाहबीच युद्धविराम सम्झौतामा हस्ताक्षर भएको थियो। यस सम्झौताअन्तर्गत, दुई पक्ष बीचको १३ महिना लामो लडाईं समाप्त भयो। सम्झौता अन्तर्गत, लेबनानी सेना दक्षिणी लेबनानमा तैनाथ गरिने र हिजबुल्लाह र इजरायलले आफ्नो सेना फिर्ता लिने भनिएको थियो।