सिलगढी: सिलगढीबाट कोकेन बरामद भएको छ। सिलगढी पुलिस चौकीको खालपाडा चौकीको एसटीएफ र पुलिसले संयुक्त अपरेशनमा कोकेन बरामद गर्यो। यस घटनामा एसटीएफले सेतराज आलम नामक व्यक्तिलाई पक्राउ गरेको छ। पक्राउ परेका व्यक्तिको घर सिलगढीको डाँगीपाडा क्षेत्रमा छ। गोप्य स्रोतबाट प्राप्त सूचनाको आधारमा खालपाडा चौकीको पुलिसले एसटीएफसँग मिलेर डाँगीपाडामा अभियान चलाएको  थियो।  सेतराज आलम नामक व्यक्तिको घरमा खानतलासी गर्दा ९३ ग्राम कोकिन बरामद भएको थियो। यसको अनुमानित बजार मूल्य १ लाख रुपियाँ रहेको छ। पक्राउ परेका व्यक्तिले लामो समयदेखि यो अवैध व्यवसाय गरिरहेको खुलासा भएको छ। पुलिसले आज आइतबार आरोपीलाई सिलगढी अदालतमा पेश गर्नेछ र रिमान्डको लागि निवेदन दिनेछ।