धुपगढी/जलपाइगढी: एसियन राजमार्गमा दुर्घटनामा दुई जनाको मृत्यु भएको छ। ठूलो आवाज सुनेपछि स्थानीय मानिसहरू घटनास्थलमा पुग्दा बाटोमा रगताम्य अवस्थामा दुई जनाको शव देखेको बताइएको छ। धुपगढीबाट गोयरकाटा जाने एसियन राजमार्ग ४८ मा रहेको गिलन्दी पुल नजिकै बिहीबार साँझ दुर्घटना भएपछि त्यस क्षेत्रमा अस्तव्यस्त स्थिति बन्यो। स्थानीय बासिन्दाले ठूलो आवाज सुनेकोर हेर्न दौडँदा बाटोमा एउटा मोटरसाइकल र दुई युवाहरू लडिरहेको देखेको बताए। दुई जनाको घटनास्थलमै मृत्यु भएको समाचार छ। खबर पाएपछि धुपगढी पुलिस चौकीका आईसी र ट्राफिक ओसीसहितको पुलिस बल घटनास्थलमा पुगे। दमकलहरू पनि आइपुगे। केही क्षणमै त्यहाँ भीड जम्मा भयो। यसपछि एम्बुलेन्सबाट शवहरूलाई धुपगढी सरकारी अस्पताल लगियो। समाचार लेख्दासम्म मृतक दुवैको पहिचान हुनसकेको छैन। उनीहरू कुन दिशामा यात्रा गरिरहेका थिए वा दुर्घटना कसरी भयो भन्ने कुरा पनि अझै स्पष्ट छैन। ठूलो विस्फोट जस्तो आवाज के कारणले आयो भन्ने बारेमा स्थानीयहरू पनि अन्योलमा छन्।