दार्जीलिङ: लामा गाउँ वेलफेयर सोसाइटी, दार्जीलिङको तत्त्वावधानमा आयोजित प्रतिष्ठित लामा गाउँ गोल्ड कप फूटबल टुर्नामेण्टमा प्लेईंग सेवेन (नेपाल)-ले सजिलै क्वार्टर फाइनलमा स्थान बनायो। शुक्रवार भएको म्याचमा प्लेईंग सेवेनले सिक्किम स्काउट्स आर्मी विरुद्ध ६-१-ले जीत हासिल गऱ्यो। विजेता टीमबाट मौसम राईले ह्याट्रिक गरे। यसबाहेक शेखर राईले २ र दिवस खापुंगले १ गोल गरे। यसरी सिक्किम स्काउट्स आर्मीको तर्फबाट मणि सुब्बाले १ गोल गरे। मौसम राईले प्लेयर अव् द म्याचको पुरस्कार जिते। टुर्नामेण्टमा जम्मा १६ वटा अग्रणी टीमहरूले हिस्सा लिएको छ। दुईवटा सेमिफाइनल २० र २३ जनवरीमा खेलिनेछ।

यसरी फाइनल २६ जनवरीमा हुनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ४ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २ लाख रुपियाँको नगद पुरस्कार प्रदान गरिनेछ।