सिलगढी: दार्जीलिङ जिल्ला वाम मोर्चाको २४औँ जिल्ला सम्मेलन सिलगढीको टिकियापारा नजिकैको रेलवे मैदानमा २४ र २५ जनवरीमा हुँदैछ। दार्जीलिङ जिल्ला वाम मोर्चाले सोमबार सिलगढीको अनिल विश्वास भवनमा आयोजित पत्रकार सम्मेलनमा यो जानकारी दिएको हो। यस पत्रकार सम्मेलनमा वाम मोर्चा दार्जीलिङ जिल्ला सचिव समन पाठक, दार्जीलिङ जिल्ला वाम मोर्चा संयोजक जीवेश सरकार, पूर्व विधायक तथा पूर्व मेयर अशोक भट्टाचार्य र दार्जीलिङ जिल्ला वाम मोर्चाका अन्य पदाधिकारीहरू उपस्थित थिए।

 पत्रकार सम्मेलनमा २४औं जिल्ला सम्मेलनको विस्तृत जानकारी दिइयो। जिल्ला सम्मेलनमा जिल्ला, राज्य र देशका विभिन्न विषयमा छलफल हुने समन पाठकले बताए। भ्रष्टाचारलगायत आमजनताका मुद्दामा विस्तृत छलफल हुनेछ। साथै यस जिल्ला सम्मेलनमा सिलगढी नगरनिगम विरुद्ध धेरै गुनासोहरू पनि छलफल हुनेछ। सम्मेलनमा सांगठनिक गतिविधिका बारेमा पनि छलफल हुने बताइएको छ। यस जिल्ला सम्मेलनमा सीपीएमका प्रदेश सचिव मोहम्मद सलिम पनि सहभागी हुनेछन्।