दार्जीलिङ: लामा गाउँ वेलफेयर सोसाइटी, दार्जीलिङको आयोजनमा प्रतिष्ठित लामा गाउँ गोल्ड कप फूटबल टुर्नामेण्टको दशौं सीजन शनिवारदेखि शुरु भयो। आज भएको उद्घाटन म्याचमा युनाइटेड फ्रेण्ड्स (सोम्बारिया, सिक्किम)-ले एलजीएसए (लंगुरदांग गेम्स एण्ड स्पोर्टस एसोसिएशन)-विरुद्ध २-१-ले जीत हासिल गऱ्यो। विजेता टीमबाट सोनुले २ गोल गरे। यसरी एलजीएसएबाट करण राईले गोल गरे। टुर्नामेण्टमा जम्मा १६ वटा अग्रणी टीमहरूले हिस्सा लिएको छ। दुईवटा सेमिफाइनल २० र २३ जनवरीमा खेलिनेछ। यसरी फाइनल २६ जनवरीमा हुनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ४ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २ लाख रुपियाँको नगद पुरस्कार प्रदान गरिनेछ।