कोलकाता: स्वास्थ्य सेवामा नयाँ युगको शुरुवात गर्दै नेफ्रो केयर इण्डिया लिमिटेड (एनसीआईएल) ले कोलकाताको साल्ट लेकमा अवस्थित आफ्नो प्रमुख क्लिनिकमा अत्याधुनिक आवाज-नियंत्रित, एआई-संचालित अल्ट्रासाउंड प्रणालीको उद्घाटन गरेको छ। उन्नत अल्ट्रासाउण्ड उपकरण- लजिक टोटसले वास्तविक समयमा स्क्यान मार्गदर्शन प्रदान गरेर अपरेटरको कार्यदक्षता बढाउन, निदान सटीकता सुधार गर्न र सही प्रक्रिया गर्न मद्दत गर्नेछ। नेफ्रो केयर इण्डिया लिमिटेडका संस्थापक, प्रबन्ध निर्देशक, र सीईओ डा. प्रतिम सेनगुप्ताका अनुसार, यो कदमले स्वास्थ्य सेवा वितरणलाई क्रान्तिकारी बनाउने लक्ष्य राखेको छ। एआई आधारित एल्गोरिदमले न केवल अल्ट्रासाउंड छविहरूको विश्लेषण गर्न मद्दत गर्नेछ, तर सामान्यतया चिन्न गाह्रो हुने असामान्यताहरूको व्याख्या गर्न स्वास्थ्य प्रदायकहरूलाई सहयोग पुर्‍याउनेछ।

यो उन्नत उपकरणले एक्सडीक्लियर जस्ता ट्रान्सड्यूसरहरू प्रयोग गरेर उच्च रिजोल्युसन छविहरू उत्पादन गर्दछ, जसले टाउकादेखि खुट्टासम्म विभिन्न अनुप्रयोगहरूलाई समेट्छ। यो २डी शियर वेभ इलास्टोग्राफी, अल्ट्रासाउण्ड-गाइडेड एटेन्युएशन प्यारामिटर (युजीएपी), र भोल्युम नेभिगेसन जस्ता अत्याधुनिक सुविधाहरूको सहयोगमा जटिल चिकित्सकीय केसहरूको समाधान गर्न सक्षम छ।

“नेफ्रो केयर इन्डियामा हाम्रो निरन्तर प्रयास भनेको हाम्रो बिरामीहरूलाई समग्र र व्यापक सेवा प्रदान गर्नु हो। यस दिशामा, हामी हाम्रो मध्यमग्रामस्थित विवासिटी मल्टिस्पेशलिटी अस्पतालमा स्मार्ट आईसीयु र स्मार्ट अपरेसन थिएटर स्थापना गर्दैछौं। सल्ट लेक क्लिनिकमा यो एआई-संचालित युएसजी मशिनको उद्घाटनले उच्च गुणस्तरको इमेजिङ, समयको बचत, र बिरामीहरूको द्रुत उपचारलाई सुनिश्चित गर्नेछ,” डा सेनगुप्ताले बताए। एनसीआईएलले स्वास्थ्य सेवालाई सर्वसाधारणका लागि थप सुलभ र किफायती बनाउन विभिन्न पहलहरू गरिरहेको छ। यसले राष्ट्रीय प्रौद्योगिकी संस्थान, सिलचरसँग सहकार्य गर्दै एआई सक्षम स्मार्ट हेमोडायलिसिस मेशिनको प्रोटोटाइप विकास गर्दैछ। अहिले भारतमा अधिकांश हेमोडायलिसिस मेशिनहरू आयात गरिने भएकाले तिनीहरूको लागत निकै महँगो हुन्छ। स्वदेशी उत्पादनले यी उपकरणहरूको लागत ७०-७५% ले घटाएर करिब २ लाख रुपियाँसम्म ल्याउन सक्ने डा. सेनगुप्ताले बताए। नेफ्रो केयर इन्डियाले जुलाई २०२४ मा आफ्नो प्रारम्भिक सार्वजनिक प्रस्ताव (अआईपीओ) सफलतापूर्वक पूरा गरेपछि हालै मध्यमग्राम, पश्चिम बंगालमा १०० शैयाको मल्टिस्पेशलिटी अस्पताल- विवासिटीको उद्घाटन गरेको थियो। यस अस्पतालले कार्डियोलोजी, मेडिकल अंकोलोजी, ग्यास्ट्रोएन्टरोलोजी, स्त्री रोग लगायतका सेवाहरू प्रदान गर्नुका साथै पूर्वी भारतमा एक उन्नत किड्नी ट्रान्सप्लान्ट युनिट पनि राखेको छ।