गान्तोक: पूर्व मुख्यमन्त्री तथा एसडीएफ पार्टी अध्यक्ष पवन चामलिङले लोसुङ र नामसुङको पवित्र पर्वहरूमा सबै सिक्किमवासीहरूलाई हार्दिक शुभकामना व्यक्त गरेका छन्। यी पर्वहरूले हाम्रो विविधता र सांस्कृतिक सम्पदाको वास्तविक भावनालाई मूर्त रूप दिन्छ भनी उनले बताएका छन्।
एसडीएफ अध्यक्षले आफ्नो सन्देशमा भनेका छन्, यो सिक्किमको लागि शुभ समय हो किनकि हामी हाम्रा संरक्षक देवताबाट आशीर्वाद माग्दै बितेको वर्षको लागि धन्यवाद दिन्छौं र नयाँ वर्षलाई स्वागत गर्छौं।
उनले भने सिक्किमका सबै जनतालाई यो लोसुङ र नामसुङले समृद्धि ल्याओस् र ती बन्धनहरूलाई बलियो बनाओस् जसले सिक्किमको धन्य आकाशमुनि हामीलाई एउटा परिवार बनाउॅंछ। उनले सिक्किमका प्रत्येक परिवारमा शुभकामना व्यक्त गर्दै हाम्रा संरक्षक देवताले सिक्किमको रक्षा गरुन् र सिक्किमलाई शान्ति, समृद्धि र खुशीको आशीर्वाद प्रदान गरुन् भनी प्रार्थना गरेका छन्।