युरोपेली देश मोन्टेनेग्रोको दक्षिणमा बुधबार भएको गोलीकाण्डमा दुई बालबालिकासहित १० जनाको मृत्यु भएको पुलिसले जानकारी दिएको छ। सार्वजनिक प्रसारक आरटीसीजीले पुलिस अधिकारीहरूलाई उद्धृत गर्दै भनेअनुसार, केही मृत्युहरू सेन्टिन्जेको एक रेस्टुरेन्टमा भएको थियो। यसपछि आक्रमणकारीले आफूलाई पनि गोली हानेका थिए। मोन्टेनेग्रो सरकारले बिहीबारदेखि तीन दिने राष्ट्रिय शोकको घोषणा गरेको छ। देशका प्रधानमन्त्रीले गोलीबारीलाई ‘भयानक दुर्घटना’ भनेका छन्। गृहमन्त्रीले आक्रमणकारीले आफ्नो परिवारका सदस्य, रेस्टुरेन्ट सञ्चालक र उनका दुई छोराछोरीको हत्या गरेको बताए। यसैबीच अन्तर्राष्ट्रिय सञ्चारमाध्यमले प्रधानमन्त्रीलाई उद्धृत गर्दै गोलीबारीमा चार जना गम्भीर घाइते भएका र उनीहरुलाई अस्पतालमा भर्ना गरिएको बताएको छ।