जलपाईगढी: डुवर्सको नक्सलबस्तीमा पिकनिक स्थल नजिकै जङ्गली हात्तीको आक्रमणबाट एक व्यक्तिको मृत्यु भएको छ। यो भिडियो सामाजिक सञ्जालमा तीब्र रुपमा भाइरल भइरहेको छ। भिडियोमा जंगली हात्तीले मानिसलाई कुल्चिएको देखिन्छ। घटनाले क्षेत्रमा त्रास फैलिएको छ। यो उल्लेखनीय छ कि नक्सलबस्ती प्रसिद्ध पिकनिक स्थलहरू मध्ये एक हो। बुधबार नक्सलबस्ती नजिकैको जलढाका नदी पारी भुटान सिमाना छेउछाउको क्षेत्रमा जंगली हात्तीको अगाडि एक व्यक्ति लडेका थिए। ती व्यक्तिलाई हात्तीले आक्रमण गरेको भिडियो सामाजिक सञ्जालमा भाइरल भएको छ। वन विभागले हात्तीको आक्रमणबाट मृत्यु भएको स्वीकार गरेको छ। शव पोष्टमार्टमका लागि पठाइएको छ।