सिलगढी: सिलगढीको उत्तरायण टाउनशिप इ९ ब्लकमा एउटै घरमा आमा छोराको शव फेला परेपछि त्यहाँ हलचल मच्चिएको छ। अर्कोतर्फ छोरी घरमै बेहोश अवस्थामा भेटिएकी छिन्। बिस्तारै घटनालाई लिएर रहस्य थपिँदै गएको दास परिवार सन् २०१८ देखि सिलगढीको उत्तरायण टाउनशिपको ब्लक ई ९ मा बस्दै आएको बताइएको छ। परिवारका प्रमुख सुजित दासले बालुवा ढुङ्गाको व्यवसाय चलाउँछन्। तर उनी व्यवसायका लागि शहर बाहिर छन्। सुजित दासकी श्रीमती तिथी दास पनि गए राति दुई छोराछोरीसहित घरमा थिइन्। तर, बिहीबार बिहान उनीहरुका आफन्तले तिथी र उनका दुवै छोराछोरीलाई एउटै कोठामा अचेत अवस्थामा फेला पारेका थिए। तीनैजनालाई तत्काल उद्धार गरी नजिकैको नर्सिङ होममा लगिएको थियो, जहाँ चिकित्सकहरूले तिथी दास र उनका आठ वर्षीय छोरा तेजस दासलाई मृत घोषणा गरेका थिए। उनकी छोरी तेजल दासको अवस्था गम्भीर रहेकाले उनलाई त्यहाँ भर्ना गरिएको र उनको त्यहीँ उपचार भइरहेको छ। घटनाको जानकारी पाएलगत्तै उत्तरायण चौकी पुलिस घटनास्थलमा पुगेर अनुसन्धान थालेको छ। पुलिसको प्रारम्भिक अनुमान घरभित्रको रुम हिटर चलेको थियो। साथै, घर भित्र कोइला जलाइएको थियो। जसका कारण कोठामा अक्सिजनको मात्रा घटेको कारण यो दुर्घटना भएको छ। तर, मृत्युको वास्तविक कारण पोष्टमार्टमपछि थाहा हुनेछ। उक्त बंगलामा पहिलेदेखि नै पुलिस तैनाथ गरिएको छ। उत्तरायण चौकी पुलिसले सबै घटनाको अनुसन्धान शुरु गरेको छ।