दुधिया: वर्षको अन्त्यमा, मानिसहरू पिकनिक मूडमा छन्। दुधियाको पिकनिक स्थलमा मानिसको भीडहरु प्रष्ट देखिन्छन्। हिमालको सौन्दर्य र नजिकैबाट बग्ने बालासन नदीको किनार रहेकै कारण मानिसहरु यस पिकनिक स्थलको रमाइलो मनाई रहेका छन्। जताततै मानिसहरु नाच्दै, गाउँदै, खाना पकाउने र सेल्फी खिच्ने गरेको देखिन्छ। पिकनिक टोली नयाँ वर्षलाई स्वागत गर्नुअघि पिकनिक मनाउन व्यस्त छन्। पिकनिकमा मानिसको भीड देखेर गाडीधुरा प्रहरी चौकीका पुलिस पनि घटनास्थलमा पुगेर सुरक्षा दिई रहेका छन्।