सिलगढी: सांसद राजु विष्टको व्यक्तिगत कोषबाट आज आगोबाट प्रभावित विधान मार्केटका व्यापारीहरूलाई आर्थिक सहायताको चेक हस्तान्तरण गरियो। उल्लेखनीय छ, २८ सेप्टेम्बरमा सिलगढीको विधान मार्केटमा भीषण आगलागी भएको थियो। जहाँ करिब नौ वटा पसल जलेर खरानी भएको थियो भने १४ भन्दा बढी पसलमा क्षति पुगेको  । आगलागीपछि मुख्यमन्त्री ममता ब्यानर्जी र सांसद राजु बिष्टले आर्थिक सहयोगको घोषणा गरेका थिए। केही दिनमै मुख्यमन्त्रीले पीडित पसललाई १ लाख रुपियाँ आर्थिक सहयोग गरेकी थिइन्। अन्ततः मंगलबार सांसद राजु बिष्टले व्यक्तिगत पहलमा घोषणा गरेको आर्थिक सहयोग आगलागी पीडित पसललाई हस्तान्तरण गरिएको छ।

आज, सिलगढी विधायक शंकर घोष र दार्जिलिङ जिल्ला भारतीय जनता पार्टी अध्यक्ष अरुण मण्डलसहित भाजपा काउन्सिलरहरूको उपस्थितिमा, सांसदको व्यक्तिगत पहलबाट आर्थिक सहयोगमा आगलागीबाट प्रभावित नौ व्यवसायीहरूलाई चेक हस्तान्तरण गरियो।  सांसद राजु बिष्ट शारीरिक अस्वस्थताका कारण उपस्थित हुन नसकेको विधायक शंकर घोषले बताए। संसदको कार्यभार र शारीरिक अस्वस्थताका कारण आर्थिक सहयोगमा ढिलाइ भएको पनि उनले बताए। तर, वर्षको अन्त्यमा यो आर्थिक अनुदान व्यवसायीलाई हस्तान्तरण गर्न पाउँदा सबै खुशी भएको बताए। विधायक शंकर घोषले सांसद राजु बिष्टको व्यक्तिगत प्रयासको प्रशंसा गरे। उनले सिलगढीको विधान मार्केटमा आगो निभाउने व्यवस्था कसरी गर्ने भन्ने बारे विधानसभामा अग्निशमन विभागका मन्त्रीसँग कुरा गरेको र मन्त्रीको पहलमा सिलगढीको विधान मार्केटको यो समस्या छिट्टै समाधान हुने विश्वास व्यक्त गरे।