दक्षिण दिनाजपुर: तलब नपाएको कारण आक्रोशित सरसफाइ कर्मचारीहरूले बालुरघाट नगरपालिका कम्प्लेक्समा प्रदर्शन गरे। समयमा तलब नपाए आन्दोलनमा जाने चेतावनी समेत दिएका छन्। बालुरघाट नगरपालिका परिसरमा सरसफाई कर्मचारीहरुको प्रदर्शनमा कर्मचारीहरुले आआफ्ना धारणा राख्दै आन्दोलनको चेतावनी दिएका छन्। सोमबार दिउँसो बालुरघाट नगरपालिकाका सयौं सरसफाइ कर्मचारीहरू  तलब माग गर्दै आन्दोलनमा उत्रिएका हुन्। बायोमेट्रिक मेशिनको खराबीका कारण १ नोभेम्बरदेखि बालुरघाट नगरपालिकामा कर्मचारीको हाजिरी दर सही नभएको र गत महिनाको तलब नपाएको आन्दोलित सरसफाइ कर्मचारीको गुनासो छ। जसका कारण बालुरघाट नगरपालिकाका सरसफाइ कर्मचारी आन्दोलनमा उत्रिएका छन्। सो आरोपका आधारमा बालुरघाट नगरपालिका क्षेत्रका सबै सरसफाइ कर्मचारीले मंगलबार बिहानैदेखि काम रोकेर विरोध प्रदर्शन गरेका हुन्। उत्तर बङ्गाल बसफोर र होराइजन वेलफेयर अर्गनाइजेसनका दक्षिण दिनाजपुर जिल्ला अध्यक्ष विजय बास्फोरले भने, ‘सबै मानिसहरू २६ दिनदेखि काम गरिरहेका थिए, तर बायोमेट्रिक मशिनमा कुनै समस्या छ भने यसको जिम्मेवारी किन लिने।‘ राम्ररी काम गर्दा पनि उचित रकम नपाएको भन्दै आन्दोलन गरिरहेको उनले बताए। उनले तत्काल समस्या समाधान नभए यो आन्दोलन भविष्यमा ठूलो आन्दोलन हुने बताए। उनीहरुले नगरपालिका अध्यक्षको ध्यानाकर्षणमा ल्याए पनि उचित व्यवहार नगरेको भन्दै सरसफाई कर्मचारीहरु आक्रोशित भएको समेत आरोप लगाएका छन्।