नयाँ दिल्ली: ओडिशाको पहाडी कोरापुट जिल्लामा आइतबार बिहान बस दुर्घटना हुँदा ४ जनाको घटनास्थलमै मृत्यु भएको छ भने ४० जना घाइते भएका छन्। सञ्चारमाध्यमको समाचारअनुसार,  कटकको नियालीबाट करिब ५० भक्तजन लिएर गुप्तेश्वर मन्दिर जाँदै गरेको बस पुलिसको भनाइ छ। यो बस बिहान करिब ५.३० बजे दुर्घटना भएको बताइएको  छ। बोइपारिगुडा पुलिस चौकी इलाका गुप्तेश्वर नजिकैको डोक्रीघाटमा पहाडी सडकको तीव्र मोडमा बस चालकले नियन्त्रण गुमाउँडा बस पल्टिएको समाचार छ। दुर्घटनामा चार जनाको मृत्यु भएको समाचार छ। मृत्यु हुनेमा एक १२ वर्षीय बालक पनि छन्। बीएसएफ र पुलिसले घाइते यात्रुहरूलाई उद्धार गर्ने काम शुरु गरे र तिनीहरूलाई तुरुन्तै बोइपारिगुडा अस्पतालमा सारियो। धेरै घाइतेको अवस्था चिन्ताजनक रहेको र धेरैले हात खुट्टामा गम्भीर चोट लागेको छ। यसैबीच, ओडिशाका मुख्यमन्त्री मोहन चरण माझीले मानिसहरूको मृत्युमा शोक व्यक्त गरेका छन्, र मृतकका परिवारलाई दुई लाख रुपियाँ क्षतिपूर्ति दिने घोषणा गरेका छन्। उनले गम्भीर घाइतेहरुको राम्रो उपचारको सुनिश्चितता गर्न पनि अधिकारीहरुलाई निर्देशन दिएका छन्। पुलिसले दुर्घटनाबारे थप अनुसन्धान गरिरहेको छ।