गान्तोक: पाकिम जिल्लाका ग्रामीण युवाहरूलाई आत्मनिर्भर बनाउने उद्देश्यले आज पाकिम जिल्ला अन्तर्गत याक्ते ग्राम पञ्चायत यूनिटका युवाहरूलाई लिएर मौरी पालन सम्वन्धी आयोजित प्रशिक्षण कार्यक्रमको समापन भयो। यस अवसरमा कूल २५ जना य़ुवाहरूले सक्रियरूपमा सहभागिता जनाएका थिए। समापन कार्यक्रममा पञ्चायत सरिता शर्मा लगायत विभिन्न विभागका अधिकारीहरूले पनि सहभागिता जनाएका थिए।
यस कार्यक्रमको नेतृत्व वरिष्ठ मौरी पालन विशेषज्ञ खेम कुमार भट्टराईले गरेका थिए, जसमा उनले आफ्नो अनुभव साँझा गर्दै मौरीको घर व्यवस्थापन, मौरीको प्रजाति पहिचान, र मह उत्पादन प्रविधिहरूबारे अवगत गराए। उनले बीटीएम पाकिमद्वारारा समन्वय गरिएको, कार्यक्रमले सहभागीहरूलाई आधुनिक मौरीपालनमा व्यावहारिक सीप र अन्तर्दृष्टि प्रदान गरेको जानकारी गराए।
यो पहल ग्रामीण जीविकोपार्जन प्रवर्द्धन गर्न, युवा सीप विकास गर्न, कृषिमा आधारित उद्यमहरूलाई समर्थन गर्न र यस क्षेत्रमा कृषिको दिगो वृद्धि सुनिश्चित गर्न मेनेज हैदराबादको बृहत् प्रयासको एक प्रमुख अंगकोरूपमा रहेको बताए। यस प्रशिक्षण कार्यक्रमले स्थानीय किसानहरू र इच्छुक मौरीपालकहरूलाई सशक्त बनाउने दिशामा एक महत्त्वपूर्ण पहललाई चिन्हित गर्नेछ, जसले उनीहरूलाई मौरीपालनलाई उनीहरूको कृषि अभ्यासहरूमा एकीकृत गर्न उपकरणहरू प्रदान गर्दछ।