कोलकाता: भारतका प्रमुख जीवन बीमा कम्पनीहरूमध्ये एक टाटा एआईए लाइफ इन्स्योरेन्स कम्पनी लिमिटेड (टाटा एआईए) ले टाटा एआईए मल्टीक्याप मोमेन्टम क्वालिटी इन्डेक्स फन्ड प्रस्तुत गरेको छ। यो नयाँ फन्डले निफ्टी ५०० मल्टीक्याप मोमेन्टम क्वालिटी ५० इन्डेक्ससँग मिल्दोजुल्दो स्टकहरूको पोर्टफोलियोमा लगानी गरी दीर्घकालीन रूपमा पूँजी वृद्धिका लागि तयार गरिएको हो। नयाँ फन्ड प्रस्ताव (एनएफओ) २४ डिसेम्बर २०२४ मा खुल्नेछ र ३१ दिसम्बर २०२४ मा बन्द हुने  कम्पनीले एक प्रेस विज्ञप्ति जारी गरेर बताएको छ। गति र गुणस्तरमा जोड दिने व्यवस्थित, तथ्य-आधारित दृष्टिकोणमार्फत, यस फन्डले लार्ज-क्याप, मिड-क्याप, र स्मल-क्याप खण्डका सेयरहरूमा लगानी गर्नेछ। प्रेस विज्ञप्तिमा यसरी बताएको छ:  

मल्टीक्याप मोमेन्टम क्वालिटी इन्डेक्स फन्डमा किन लगानी गर्ने?

• यो मार्केट क्याप खण्डमा लगानी गर्छ, जसले लार्ज-क्यापको स्थिरता र मिड र स्मल-क्याप स्टकहरूको उच्च वृद्धि सम्भावनाबाट लाभ प्रदान गर्छ।
• पोर्टफोलियोको आधारभूत मजबूती सुनिश्चित गर्दै रिटर्नलाई अनुकूलित गर्न गति-प्रेरित, गुणस्तरीय स्टकहरूमा केन्द्रित छ।
• यो फन्ड इक्विटी र इक्विटीसँग सम्बन्धित उपकरणमा ८०%-१००% र नगद तथा मनी मार्केट उपकरणमा ०%-२०% लगानी गर्छ, जसले वृद्धि र तरलताबीच प्रभावकारी सन्तुलन सुनिश्चित गर्छ।
• यो फन्ड निफ्टी ५०० मल्टीक्याप मोमेन्टम क्वालिटी ५० इन्डेक्ससँग मिल्दोजुल्दो छ, जुन अनुशासित, नियम-आधारित लगानीका सिद्धान्तहरू पालना गर्छ।

टाटा एआईएका कार्यकारी उपाध्यक्ष ततहा प्रमुख लगानी अधिकारी हर्षद पाटिलले भने, ”रतको अर्थतन्त्र आफ्नो विकास पथमा अगाडि बढिरहेको छ, यस्तो अवस्थामा इक्विटी बजारले सम्पत्ति सिर्जनाका लागि आकर्षक अवसरहरू प्रदान गरिरहेको छ। तर, बजारको अस्थिरता र उच्च मूल्यांकन व्यवस्थापनका लागि अनुशासित र रणनीतिक दृष्टिकोणको आवश्यकता पर्छ। टाटा एआईए मल्टीक्याप मोमेन्टम क्वालिटी इन्डेक्स फन्ड सोच-समझका साथ तयार पारिएको प्रस्ताव हो, जसले मोमेन्टम-प्रेरित स्टक चयनको फाइदालाई गुणस्तर र विविधतापूर्ण लगानीको आश्वासनसँग जोड्छ। यसले पॉलिसीधारकहरूलाई वृद्धि अवसर र आफ्ना दीर्घकालीन वित्तीय लक्ष्यहरू हासिल गर्न सघाउँछ। जीवन र स्वास्थ्य व्यवस्थापन सेवाहरूको साथमा, यो फन्ड हाम्रा ग्राहकहरूलाई ‘चिन्ता-मुक्त’ जीवनको आनन्द लिन सघाउने हाम्रो प्रतिबद्धतालाई पुष्टि गर्छ।”

टाटा एआईएका पॉलिसीधारकहरूले कम्पनीको युनिट लिंक्ड इन्स्योरेन्स योजनामार्फत मल्टीक्याप मोमेन्टम क्वालिटी इन्डेक्स फन्डमा लगानी गर्न सक्छन्, जसमा यसका लोकप्रिय योजना टाटा एआईए परम रक्षा समाधान र टाटा एआईए प्रो-फिट प्लान समावेश छन्। यी योजनाहरूले ग्राहक र उनका परिवारलाई आवश्यक जीवन तथा स्वास्थ्य बीमा कवरेज उपलब्ध गराउँदै इक्विटी लगानीको दीर्घकालीन वृद्धिको सम्भावना पनि प्रदान गर्छन्। टाटा एआईएले आफ्ना पोलिसीधारकहरूको बदलिँदो आवश्यकताहरू पूरा गर्न अनुशासित फन्ड व्यवस्थापन र नविनतासहितका लगानी अवसर प्रदान गर्न प्रतिबद्ध छ। कम्पनीले आफ्ना फन्डहरूसँग विभिन्न अवधिमा सम्बन्धित बेन्चमार्कभन्दा राम्रो प्रदर्शन गर्दै बलियो ट्र्याक रेकर्ड निर्माण गरेको छ। मर्निङस्टार नामक ग्लोबल रेटिङ एजेन्सीले नोभेम्बर २०२४ सम्मका लागि टाटा एआईए लाइफको एसेट अन्डर म्यानेजमेन्टको (एयुएम) ९६.२२% भागलाई ४ वा ५ स्टारको रेटिङ दिएको प्रेस विज्ञप्तिमा बताएको छ।