दार्जिलिङ: मुम्बईमा सम्पन्न हुने इन्डियन बडिबिल्डिङ शेरू क्लासिक ओलम्पिया प्रो. शो मा कलेज भेल्ली धोत्रिया निवासी रतन कुमार गुरूङका सुपुत्र पुस्कर गुरूङले दार्जिलिङको प्रतिनिधित्व गर्ने भएका छन्। उक्त शो आगामी १९ दिसम्बरको दिन मुम्बईमा सम्पन्न हुने भएको छ। पुस्कर गुरूङले हाल पम्प एण्ड प्राउड नामक आफ्नै जीम पनि सञ्चालन गर्दै आइरेका छन् भने उनी एक के ११ मान्यताप्रप्त प्रोफेसनल ट्रेनर पनि हुन्। यो भन्दा अघि उनले जीटीए ओपन च्याम्पियनको उपाधि आफ्नो नाम गरिसकेका छन्।

यसरी नै उनले मिस्टर युनिभर्स मा चौथो, मिस्टर इस्टर्न इण्डिया २०२४, आईएफए क्लासिक गुवागटी च्याम्पियन्स, मिस्टर अल्टिमेट सिक्किम, मिस्टर दार्जिलिङ मेन फिजिक्स, मिस्टर हिमालयन ब्रोन्ज २०२१, मिस्टर हिमालयन गोल्ड २०२३ को उपाधि आफ्नो नाम गरिसकेका छन्। उनी पहाडकै प्रथम मेन फिजिक्स प्रो. कार्ड होल्डर पनि हुन्।