कोलकाता: दक्षिण २४ परगनाको डायमण्ड हार्बरको पुलिस स्टेशन क्षेत्र अन्तर्गत आइतबार साँझ विस्फोट भएको छ। विस्फोटमा एक किशोरको मृत्यु भएको र अन्य दुई जना गम्भीर घाइते भएको बताइएको छ। मृतक किशोरको नाम रिजु पाईक रहेको र उनी १४ वर्षका थिए। दुर्घटनामा अन्य दुई जना सौमित्र हल्दार र तन्मय पुरकायस्त गम्भीर घाइते भएका छन्  आइतबार साँझ विस्फोटको आवाज सुनेपछि स्थानीयले घटनाबारे पुलिसलाई खबर गरे। घटनाको जानकारी प्राप्त हुने बित्तिकै पुलिस घटनास्थलमा पुग्यो र घाइतेहरूलाई उपचारको लागि डायमण्ड हार्बर मेडिकल कलेज एवं अस्पताल पठाइयो। पुलिसले तत्कालै दुर्घटनाको अनुसन्धान थाले पनि दुर्घटना कसरी भयो भन्ने खुल्न सकेको छैन। अनुसन्धानका क्रममा आइतबार साँझ दुर्घटना भएको स्थानीयले पुलिसलाई बताए। घाइतेको घरमा बारूद र अन्य विष्फोटक पदार्थ रहेको हुँदा विष्फोट भएको बताइएको छ। घटनापछि पुलिसले घरमा छानबिन गर्दा घरमा विस्फोटक पदार्थ पनि फेला परेको समाचार छ। अनुसन्धानका क्रममा घरमा आगो लागेको र त्यसपछि विष्फोट भएको हुनसक्ने आशंका पनि स्थानीयले व्यक्त गरेका छन्। पुलिसले घटनाबारे दमकललाई खबर गरियो। घटनास्थलमा दमकल पुगेर आगो नियन्त्रणमा लियो। घटना कसरी भयो भन्ने बारे थप अनुसन्धान भइरहेको पुलिसले जनाएको छ।