सिलगढी: जलपाईगढीको तेस्रो एडीजे अदालतले आफ्नी श्रीमतीको हत्या गरेको आरोपमा श्रीमानलाई मृत्युदण्डको सजाय सुनाएको छ। करिब ५ वर्षसम्म चलेको यो मुद्दापछि हिजो अदालतले दोषीलाई सजायको घोषणा गरेको हो। उल्लेखनीय छ, अप्रेल २०१९ मा आसिघर थानाअन्तर्गत छायानपाडा क्षेत्रकी लता दासको शव सेफ्टी ट्यांकभित्रबाट भेटिएको थियो। पछि पुलिसले घटनाको ७० दिनपछि श्रीमानलाई पक्राउ गरी मुद्दा दायर गरेको थियो। यसमा १९ जनाको बयान लिइएको थियो।  करिब ५ वर्षसम्म मुद्दा चलेपछि जलपाईगढीको तेस्रो एडीजे अदालतले आरोपी पतिलाई दोषी ठहर गर्यो। सजाय सुनाउँदै अदालतले आरोपी पति गोपाल दासलाई मृत्युदण्डको सजाय सुनाएको छ। सिलगढी मेट्रोपोलिटन पुलिसका डीसीपी राकेश सिंहले पत्रकार सम्मेलनमा यो जानकारी दिए।