सिलगढी: सिलगढीका विधायक र बीजेपी नेता शंकर घोषले राज्य सरकारको गलत नीतिका कारण पश्चिम बंगालका जनताले केन्द्रीय योजनाहरूको लाभ नपाएको भन्दै तृणमूल सरकारमाथि फेरि कडा हमला गरेका छन्। सिलगढी विधायकले भने कि उज्ज्वला ग्यास योजना अन्तर्गत पश्चिम बंगालबाट ८० लाख आवेदनहरू प्राप्त भएका छन्, तर जिल्ला जाँच समिति गठन नगरेको कारणले पश्चिम बंगालका जनता र महिलाहरूले यी योजनाहरूको लाभ पाउन सकेका छैनन्। उनले पश्चिम बंगालको गलत नीतिका कारण राज्यमा पहिलेदेखि नै गरिबीको चपेटामा रहेको भन्दै केन्द्र सरकारले सहयोग गर्दा बंगाल सरकारले बंगालका जनतालाई त्यसबाट वञ्चित गरिरहेको बताए। ‘यही कारण राज्यका जनता पहिले नै गरिब छन् र झन् गरिब हुँदैछन्। केन्द्र सरकारले राज्यका जनतालाई विभिन्न माध्यमबाट सहयोग गर्न चाहेको छ तर प्रदेश सरकारले त्यसमा अवरोध खडा गरिरहेको छ। यही कारणले राज्यका बासिन्दाहरूले धेरै केन्द्रीय योजनाहरूको लाभ पाउन सकेका छैनन्’, उनले भने