नयाँ दिल्ली: नेपालका प्रधानसेनापति सुप्रबल जनसेवाश्री जनरल अशोक राज सिग्देलले आजदेखि भारतको औपचारिक भ्रमण शुरु गरेका छन्, जसले नेपाल र भारतबीचको रक्षा सम्बन्धलाई थप सुदृढ गर्ने दिशामा महत्वपूर्ण कदम हो। १४ दिसम्बर २०२४ सम्म हुने यो भ्रमणको उद्देश्य द्विपक्षीय सैन्य सहकार्य वृद्धि गर्नु र रक्षा सहयोगका नयाँ क्षेत्रहरू पहिचान गर्नु हो। भारतीय सेनाले नेपालका प्रधानसेनापतिलाई न्यानो स्वागत गरेको छ। नेपालका प्रधानसेनापति भोलि ११ दिसम्बर २०२४, नयाँ दिल्लीस्थित राष्ट्रिय युद्ध स्मारकमा पुष्पाञ्जली अर्पण गर्नेछन् र साउथ ब्लकको लनमा गार्ड अफ अनर प्राप्त गर्नेछन्। त्यसपछि सेनाध्यक्ष जनरल उपेन्द्र द्विवेदीसँगको बैठक हुनेछ। जनरल अशोक राज सिग्देललाई महानिर्देशक सामरिक योजना भारतको सुरक्षा परिप्रेक्ष्य र सेना डिजाइन ब्युरोका अपर महानिर्देशकले भारतीय रक्षा उद्योगबारे जानकारी गराउने छन्। यसपछि जनरल सिग्देलले विदेशमन्त्री एस जयशंकर, राष्ट्रिय सुरक्षा सल्लाहकार अजित डोभाल, भारतीय सेनाका प्रमुख-चिफ अफ डिफेन्स स्टाफ जनरल अनिल चौहान, रक्षा सचिव राजेश कुमार सिंह, र विदेश सचिव विक्रम मिस्रीसँग भेटघाट गर्नेछन्।

१२ दिसम्बर २०२४ मा जनरल सिग्देल राष्ट्रपति भवनमा आयोजना हुने अलंकरण समारोहमा सहभागी हुनेछन्, जहाँ भारतीय सेना र नेपाली सेनाबीचको विशिष्ट परम्परा अनुसार राष्ट्रपति द्रौपदी मुर्मुले उनलाई भारतीय सेनाको जनरलको मानार्थ उपाधि प्रदान गनेछिन्। नेपालका प्रधानसेनापति राष्ट्रपति भवनमा आयोजित हाई टी कार्यक्रममा अन्य गणमान्य व्यक्तिहरूसँग भेट गर्नेछन्। उनले रक्षामन्त्री राजनाथ सिंहसँग पनि भेट्नेछन्। नेपालका प्रधानसेनापतिले नयाँ दिल्लीस्थित नेपाली दूतावासमा पारस्परिक मध्याह्न भोजको आयोजना गरेका छन्। त्यस दिन जनरल सिग्देलले नयाँ दिल्लीको मानेकश सेन्टरमा वृक्षारोपण गर्नेछन् र साँझ पुणे प्रस्थान गर्नेछन्। १३ दिसम्बर २०२४ मा जनरल सिग्देलले पुणेमा रक्षा उद्योगको भ्रमण गर्नेछन् र स्टाटिक उपकरणको प्रदर्शन अवलोकन गर्नेछन्। उनले भारतीय रक्षा उद्योगका प्रतिनिधिहरूसँग भेट गर्नेछन्। त्यसपछि उनी भारतीय सैन्य अकादमी, देहरादून पुग्नेछन्, जहाँ साँझको समीक्षा अधिकारी भोजमा सहभागी हुनेछन्।

१४ दिसम्बर २०२४ मा जनरल सिग्देलले नेपाली सेना, जेन्टलम्यान क्याडेट्स परेडको समीक्षा गर्नेछन् र सलामी ग्रहण गर्नेछन्। उनले भिजिटर बुकमा हस्ताक्षर गर्नेछन्, कलर पार्टी र केन अर्डरलीलाई पुरस्कार प्रदान गर्नेछन् र समीक्षा अधिकारी प्लेट र तरवार हस्तान्तरण गर्नेछन्। उनले पाइपिङ र शपथ ग्रहण कार्यक्रममा पनि भाग लिनेछन् र कमीशन प्राप्त गर्ने नयाँ अधिकृतहरूसँग छलफल गर्नेछन्। तीमध्ये नेपाली सेनाका दुई जना जेन्टलम्यान क्याडेट छन्, जसले कमीशन प्राप्त गर्दैछन्। त्यसपछि जनरल सिग्देल अयोध्या जानेछन्, जहाँ उनले श्रीराम मन्दिरमा पूजा-अर्चना गर्नेछन्। साँझमा उनी नयाँ दिल्ली फर्कनेछन् र भारतीय सेनाका प्रमुख-चिफ अफ डिफेन्स स्टाफ जनरल अनिल चौहानद्वारा आयोजित रात्रिभोजमा सहभागी हुनेछन्। नेपाली सेना प्रमुख १५ दिसम्बर २०२४ मा नेपाल फर्कनेछन्। जनरल अशोक राज सिग्देलको भ्रमणको उद्देश्य भारत र नेपालका सेनाहरूबीच सैन्य सहकार्यलाई सुदृढ गर्नु र दुवै देशबीच सहकार्यका नयाँ क्षेत्र पहिचान गर्नु रहेको छ। -पीआईबी