कोलकाता: मुख्यमन्त्री ममता ब्यानर्जीले सोमबार केही बंगलादेशी नेताहरूको उत्तेजक बयानहरूमा कडा प्रतिक्रिया व्यक्त गरिन्l जसमा बंगलादेशले केही दिन भित्र बंगाल, बिहार र ओडिशा कब्जा गर्नसक्छ भन्ने उत्तेजक बयान बंगलादेशी नेताहरू जारी गरेका थिए। यी भनाइहरूको कडा विरोध गर्दै मुख्यमन्त्री ममता ब्यानर्जीले तिनीहरूलाई वाहियात बताउँदै भनिन्, ‘तपाईहरूले बंगाल, बिहार र ओडिशा कब्जा गर्नेछौ भन्दा हामी बसेर ललीपप खानेछौं?’ पश्चिम बंगाल विधानसभालाई सम्बोधन गर्दै उनले कसैको नाम नलिई सीमाको यस छेउमा केही नक्कली भिडियोहरू प्रसारणको निन्दा गरे। उनले एक विशेष दलले राज्यमा तनाव फैलाएको आरोप लगाइन्। मुख्यमन्त्रीले बंगलादेशमा अल्पसंख्यकमाथि भइरहेको दमनको निन्दा गर्दै यसलाई अस्वीकार्य रहेको बताइन्। भारतका धार्मिक समुदायहरू बीच एकताको आवश्यकतामा जोड दिए। मुख्यमन्त्री ममता ब्यानर्जीले सीमा पारबाट आउने भडकाऊ बयानहरूलाई पूर्ण रूपमा विरोध गरिन्l सीमापार बंगलादेश नेसनलिस्ट पार्टी (बीएनपी) का एक नेताले बंगाल, बिहार र ओडिशामा बंगलादेशको दाबी रहने बताएका थिए।
सामाजिक सञ्जालमा भाइरल भएको अर्को भिडियोमा बंगलादेशी सेनाका पूर्व सैनिकले केही दिनभित्रै बंगलादेशले पश्चिम बंगाललाई कब्जा गर्नसक्ने बताएका छन्। मुख्यमन्त्री ममता ब्यानर्जीले कडा चेतावनी दिँदै भनिन्, ‘तपाईहरूले बंगाल, बिहार र ओडिशा कब्जा गर्दा के हामी ललीपप खाइरहनेछौं? यस्तो नसोच्नुहोस्! हाम्रो जमिन खोस्ने हिम्मत कसैको छैन, सोच्नु पनि सक्दैन।‘ उनले हालै बंगलादेशका केही नेताहरूले दिएको उत्तेजक बयानको खिल्ली उडाउँदै भनिन्, ‘शान्त रहनुहोस्, स्वस्थ र मानसिक शान्ति राख्नुहोस्।‘ उनले भारतको अवस्थालाई राजनीतिकरण गर्न खोज्नेहरूलाई पनि चेतावनी दिइन्। उनले त्यस्ता कदमले पश्चिम बंगाल र त्यहाँका जनतालाई हानि पुर्याउने बताइन्। उनले भनिन्, ‘यसलाई राजनीतिकरण गर्ने सोच राख्नेहरूले याद राख्नु पर्छ कि यसले हाम्रो राज्यलाई पनि नोक्सान पुर्याउँछ र बंगलादेशमा रहेका तपाईंका साथीहरू, दिदीबहिनी र दाजुभाईहरूलाई पनि।‘ उनले भनिन्, ‘आगो निभाउनको लागि नक्कली भिडियोहरू प्रसारण गर्नुमा एउटा विशेष राजनीतिक दल जिम्मेवार छ। म सबैलाई यस्तो गलत सूचनाबाट टाढा रहन आग्रह गर्दछु।‘ उनले भनिन्, ‘हामी बंगलादेशमा हिन्दूहरू विरुद्ध चलिरहेको हिंसाको निन्दा गर्छौं। साम्प्रदायिक हिंसा हिन्दू, मुस्लिम, सिख वा ईसाईहरूले गरेको होइन, यो समाजमा बोझ हुने असामाजिक तत्वहरूबाट आएको हो। हामीले पश्चिम बंगालको शान्तिलाई हानि पुर्याउने खालका बयानहरू गर्नबाट जोगिनै पर्छ।‘
About Author
