खरसाङ: राष्ट्रिय राजमार्ग-१० सम्बन्धमा दार्जिलिङका सासंद राजु विष्टको केन्द्रीय मन्त्री नितीन गडकरीसित भेट भएको जानकारी प्राप्त भएको छ।‌ दार्जीलिङका सांसद तथा भाजपका राष्ट्रिय प्रवक्ता राजु विष्टले केन्द्रीय सडक, यातायात तथा राजमार्ग मन्त्री नितीन गडकरीलाई भेटेर राष्ट्रिय राजमार्ग-१० को द्रुत गतिमा पुनर्स्थापना र सुधार सुनिश्चित गर्न अनि कालेबुङलाई जोड्ने अतिरिक्त राजमार्ग निर्माण गर्न अनुरोध गरेको जानकारी सासंद विष्टले एक प्रेस विज्ञप्तिमार्फत् दिएका छन्। उनले जनाए अनुसार तिनले मन्त्रीबाट यस विषयमा छानबिन गरेको तथा उनको मन्त्रालय राष्ट्रियराजमार्ग-१० (सेभोक-रम्फू) को स्तरोन्नतिको लागि परियोजना व्यवस्थापन परामर्श (पीएमसी) संलग्न गर्ने प्रक्रियामा मापदण्डमा पैह्रोग्रस्त स्थानहरूको स्थायी पुनर्स्थापना सहित रहेको जानकारी दिएको बताएका छन्। विष्टले भनेका छन्- मन्त्री गडकरीले एनएचआइडीसीएलमा सम्बन्धित अधिकारीहरूलाई राष्ट्रियराजमार्ग-१० (सेभोक-रम्फू) खण्डको लागि सबै सम्भावित वैकल्पिक/विकल्प पङ्क्तिबद्धताहरू अन्वेषण गर्न र अन्तिमीकरणको लागि मन्त्रालयको मापदण्ड अनुसार उत्तम पङ्क्तिबद्धता पेश गर्न निर्देशन दिइएको छ। एनएचआइडीसीएलले औपचारिक रूपमा राष्ट्रिय राजमार्ग-१०(सेभोक-रम्फू) खण्डलाई लिएको छ औ सम्पूर्ण राष्ट्रिय राजमार्ग-१० को उचित योजना र पुनर्विकास गरिनेछ। राष्ट्रिय राजमार्ग-१० को पूर्ण ओभरहाल र विकास सुनिश्चित गर्नु हाम्रो क्षेत्रको लागि सिमलेस कनेक्टिविटी सुनिश्चित गर्न महत्त्वपूर्ण छ। म जनतालाई विश्वास दिलाउन चाहन्छु, केन्द्र सरकारले यसमा उचित प्राथमिकताका साथ काम गरिरहेको छ।